Ага нютагайнгаа арад зониие гэгээрүүлхэ хэрэгтэ хубитаяа оруулалсаһан хүнүүдэй нэгэн Борис Рабданович Рабдано мүн болоно. Тэрэ хэблэлэй газарнуудта олон жэлдэ хүдэлжэ, түрэл дайдынгаа урган һалбаралгада туйлай ехэ анхаралаа хандуулһан аша габьяатай.
Борис Рабданович 1923 ондо Могойтын станциһаа холо бэшэхэнэ, Ушарбайн Хүһөөшэ гэжэ хүндыдэ малшан айлай гэр бүлэдэ түрэһэн. Зугаалайн 7 жэлэй һургуули, Агын багшанарай училищи, Эрхүүгэй багшанарай институдай хизаар ороноо шэнжэлэлгын таһаг, КПСС-эй ЦК-гай дэргэдэхи намай дээдэ һургуули г.м. эрдэм һургуули шудалһан эгээл нангин газарнуудынь олон. Гадна Омск хотодо хүдөө ажахын эрдэм шэнжэлэлгын Сибириин институдай аспирантура, Москвада хари хэлэнүүдые шудалдаг түбэй англи хэлэнэй курс түгэсхэһэн байна.
1939 ондо 16 наһатайдаа Эрхүүгэй можын Баяндайн аймагай Һогоотын МТС-эй тогоошоноор хүдэлжэ, ажалайнгаа үргэн харгыда гараһан гээшэ. Һүүлээрнь дайнай һүрөөтэ жэлнүүдтэ Квантун армиие даралсажа, Эхэ оронойнгоо эрхэ сүлөө хамгаалалсаа. Эсэгын дайнай 2-дохи шатын орденоор, хэдэн олон медальнуудаар шагнагдаhан.
1945 ондо «На боевом посту» гэһэн Үбэр Байгалай сэрэгэй тойрогой һониной корреспондентээр хүдэлһэн намтартай. Түрэл нютагтаа, мүн Буряадай АССР-эй Хяагтын 7 жэлэй һургуулида географи заагаа. Урда тээнь Агын дунда һургуулида, багшанарай училищида мэргэжэлээрээ хүдэлһэн байгаа.
Нордоп БАБУЕВА.
Официальный сайт Всебурятской газеты "Толон"
«Агын журналистикын манлай хүбүүдэй нэгэн юм»
- Информация о материале
- Автор: Нордоп БАБУЕВА.
- Категория: Дурасхаал
- Просмотров: 457
