Yбгэн хүндэтэ Байгал далай

Дам саашаа, Россиин, дэлхэйн ямаршье буланhаа ерэhэн элдэб яhанай, шажанай эрдэмтэд Байгал шэнжэлхынгээ урда тээ булта урданай буряад заншалаар заабол сэржэм үргэдэг заншалтай. Тэрэнь эрдэмтэдэй дунда ородоор «пробурханить» гээд нэрлэгдэдэг. Yгы гэбэл элдэб аюул, hаад, гасалан ушардаг гэжэ эли. Жэшээнь, Москваhаа нэгэтэ эрдэм-шэнжэлэлгын ехэ экспедициин буужа хүрэн сасуу Байгал дээрэ шанга шуурган хүдэлөөд, хэдэн үдэрэй туршада үргэлжэлhэн гэдэг. Яашье ажалаа эхилхэ аргагүй ушарhаа зобоhон эрдэмтэдтэ тэрэ нютагай ажаhуугшад Байгалай эзэндэ сэржэм үргэжэ хүндэлхэ тушаа зүбшэл үгэhэн байгаа. Тиигээд «пробурханить» боложо үргэн сасуунь шуурган гансата тогтожо, наран игааhан ушартай.

- Би энээнhээ урагша элдэб үргэлэй бүтээлнүүдтэ этигэдэггүй һэм, - гэжэ микробиолог А.Лихошвай хөөрэһэн байна. - Теэд Байгалай экспедицидэ хабаадаhанай удаа урдын ёhо заншалнууд, нээрээшье, дэмы таамаг бэшэ гэжэ ойлгооб. Бидэ тусхай аппарадаар Байгалай оёорой хүрьhэ абахын дүрбэн урагшагүй hэдэлгэ хэhэн байнабди. Тиигээд сэржэм үргэhэнэй удаа табадахи hэдэлгэмнай урагшатай байшоо hэн!

Иимэ ушарнууд Байгал дээрэ үргэлжэ дабтагдадаг.

Yшөө Байгалые шангаар «нуур» гэжэ нэрлэхэдэ, гомдожо уурлаад, hалхи шуурга, hаад тодхор буулгадаг гэжэ хэлэгдэдэг. «Yбгэн хүндэтэ Байгал далай» - үнэн бодото нэрэнь.

You have no rights to post comments