Үбэр Байгалай 16-дахи армиин стрелково ба танкын дивизинүүдэй бүридэлдэ буряадууд Агууехэ Эсэгын дайнда эгээл олоор хабаадаһан байна. Дайн байлдаануудта эрэлхэг зориг, баатаршалга харуулһан буряад сэрэгшэд олон юм.

Мэргэн буудагшад суурхаһан байна. Жамбал Тулаев 262 фашистнуудые хюдажа, Советскэ Союзай Баатар болоһон. Дайнай үедэ буудагшадай һургуули байгуулагдаһан байна. Семён Номоконов гурбан зуу гаран немецүүдые хорооһон габьяатай. Үшөө нэгэ мэргэн буудагша ябаһан, ахалагша сержант, Буряад ороной Цырендаши Доржиев 1943 оной январь һарада дайсадай 270 солдат ба офицернүүдые унагааһан байха юм. Ц.Доржиевай һургаһан сэрэгшэд немецкэ самолёт унагааһан байгаа. Саашань хэлэхэдэ, Арсений Етобаев дайнай үедэ 355 дайсадые, хоёр самолёт унагааһан габьяатай. Үшөөшье олон мэргэн баатарнууд байһан юм.

You have no rights to post comments