Конкурсдо бүхыдөө 103 мэ-дүүлгэ ороо. Агын Буряадай тойрогой 61 түлэблэл хабаадажа, тэдэнэй 12-ынь шангай һууринуудта гараа.
Конкурсын «Мы – наследники Победы» янзада Ага-Хангилай «Дружба» (хүтэлбэрилэгшэнь – Б.Балданова), Үрөөнэйн «Үлзы» (А.Торгубаев), Дулдаргын «Дорожная үйлсэ» (Е.Батомункуева), Будаланай «Сахилза» (Ц-Д.Дашицыренова), Хойто-Агын «Старт» (В.Ральдина) ТОС-ууд илажа, ТОС бүхэниинь 100 мянган түхэригэй грантда хүртөө.

«Забайкальский дворик» янзада хүдөө һуурингуудай хоорондо Үзөөнэй «Багульник» (А.Мункуева), Краснояровын «Лотос» (Т.Гурулёва), Ушарбайн «Толон» (Т.Намдакова) болон Сагаан-Шулуутайн «Ургы» ТОС-ууд эрхимэй тоодо орожо, тус тустаа 100 мянган түхэригэй грант абаха болобо.

Энэл янзада хотын һуурингуудай дунда Шэнэ Орловскын «Добровольцы» (Т.Решетилова) болон «Тантал» тамирай ниигэм (Б.Бальжинимаев) ТОС-ууд шүүгээ. Эдэнэр 200-200 мянган түхэригэй грантда хүртөө. Хотын тойрогуудай дунда Ага тосхоной «Бермудский треугольник» ТОС (Б.Дармаев) 262 мянган түхэриг грантда хүртѳѳ.

You have no rights to post comments