Тэдэнь Сагаан Дара эхэ, Будда Шэгэмүүни болон Манзашэри бурхадай дүрсэнүүд байба. Хяагтын аймагай ажаһуугша Виктор Осеев гэжэ хүн Ехэ Хүдэри һууринһаа сааша оршодог Гуджиртэ гэжэ газарта, хабсагайнуудай дундаһаа олоһон эдэ бурхадай дүрсэнүүдые 1912 ондо XII бандида хамба лама Этигэловэй зааһан газарта баригдаһан «Балдан Брэйбун» дасанда дамжуулһан байна.
- Эдэ гурбан дүрсэнүүд июниин 5-ай – Будда бурханай түрэһэн үдэрэй урда тээ – дээдын тэмдэг мэтэ маанадта бусаба. Виктор Осеевэй, тэрэнэй үри һадаһадай элүүр энхын түлөө мүргэнэбди, - гэжэ Буддын шажанай заншалта Сангхын пресс-албан соо тэмдэглэгдэнэ.
Олдоһон бурхадай дүрсэнүүд һаяын сагта шэнэдхэн заһабарилагдаха юм.
