XIX зуун жэлэй 50-яад онуудта Монголдо буддын шажанай ажаябуулагша Данзанравжаа гайхамшагта Шамбала орон руу орохо зүб харгы (координаты) үгэжэ, тэрэнэй дүрсэ байгуулһан хүн гэлсэдэг. Домогоор, Данзанравжаа эди шэдитэй ба уридшалан юумэ хэлэхэ аргатай, агаарта дэгдэжэ, ондоо тээ бии болохо шадалтай һэн. Монголой урда зүгтэ хэдэн дасан байгуулһан. Эгээл мэдээжэнь гэхэдэ, Хамарын хиид. Энэ хиидһээ Шамбала руу мүргэлэй харгы эхилдэг: губи хүрэтэр 3 модо зай болодог, харгын захаар буддын шажанай субарганууд баригданхай.
Энэ газар тухай Данзанравжаа иигэжэ хэлэһэн: «Хэрбэеэ арадни юрэ бусын элшэтэй энэ нангин газарта шүтэжэ байбал, байгаалитай харилсааниинь зохилдохо юм».
Мүнөө Шамбала газар ганса Монголой бэшэ, бүхы дэлхэйн элшэ хүсэнэй түб гэжэ тоологдодог. Тиишээ оло мянган һүзэгшэд ошожо, элшэ хүсыень бэедээ шэнгээжэ, оюун сэдьхэлээ арюудхажа байха аргатай.
Шамбала газарай хажууда агы нүхэнүүд бии, тэдээн соо ёгоозорнууд бисалгалда һуудаг. Нэгэ агы нүхэн Нангин гэжэ нэрэтэй. Дэлхэйн бүхы элшэ хүсэн эндэл сугларһан гэжэ зон үнэншэдэг. Энэ агы нүхэн соо лама ганса уһан дээрэ 108 хоногой туршада даяанда һууһан байна.
Отгонтэнгэр хада (тэнгэриин бага хүбүүн) Хангай хада уулануудай шэлын эгээ үндэрынь юм.
Тэрэ мүнхэ сэбдэг газар 4012 метр зайда саһаар хушагданхай. Хадын нангин нэрэ хадаа Богд Очирвань юм. Энэ газарта дүтэхэнэ дээгүүр зэргэтэй гэгээрһэн 13 үе ламанар мүндэлһэн. Отгонтэнгэриин баруун талада, далайн нюрууһаа 450 метр үндэртэ, 300 модоной зайда сүл губиин элһэн гүбээ бии. Элһэниинь наранай элшэ доро алтан мэтэ яларжа байдаг, тиимэһээ «Алтан элһэн» гэжэ нэрлэгдэһэн. Зон энэ элһэ аргами, шэдитэй гэжэ тоолодог. Жэгтэй шанартай: тэрэ уһан соо хайладаггүй, теэд аман соо саахар мэтэ хайлашадаг юм. 1995 онһоо арад олоной нангин шүтөөн Отгонтэнгэр хада гүрэнэй хамгаалалта доро ороһон.
Хара хада сүл губиин хадануудай эгээ мэдээжэнь юм.
Тэрэ Хамарын хиидһээ баруун хойшоо 23 модо зайда оршодог. Хадын эзэнэй нэрэ Баянзүрх юм. Баянзүрх гэжэ Хара хадада мүргэжэ ерэһэн зоной һанаһан хүсэл бэелүүлэгдэхэ аргатай гэһэн үгэ бии. Хадын оройдо ганса эрэшүүл гарадаг, харин эхэнэрнүүд Баянзүрхын хормойдо мүргэжэ, хүсэлөө һанан гуйдаг.
travelinca.ru/shambala сайтһаа.
