Нэгэтэ Улаан-Үдын олзын хэрэг эрхилэгшэ шэнэхэн «Джип» авто-унаагаар гэртэхинээ шэрэжэ ябаба. Тэрэнэй часай 120 км хүрэтэр түргөөр гүйлгэхэдэ, эжынь хэлэбэ:
- Аалидуула, хүб-аан.
- Эжы, бү айгты. Сахюусамнай бидэниие хаража байна.
- Тиимэл ааб даа. Тиибэшье тогто, буухамни…
Олзын хэрэг эрхилэгшэ абатаяа хоюулан болоод саашалба. Часай 150 км хүрэтэр түргэдэхэдэнь:
- Аалидыш, хүб-аан, - гэжэ абань тэсэжэ ядаба.
- Бү айгты, аба. Сахюусан хажуудамнай ябана.
- Тиимэньшье тиимэ. Зүгөөр тогтыш даа, би буухам, - гэбэ абань.
Гансаарханаа үлэһэн олзын хэрэг эрхилэгшэ машинаа пүршэгэнүүлһээр, часай 180 км хүрэтэр түргэн гүйлгэжэ оробо. Гэнтэ тэрэ абяа дуулаба:
- Тогто, би баһа буухам.

You have no rights to post comments