Агын Буддын шажанай академи түгэсхэһэн Буряад ороной Зэдын аймагай Боргой нютагай Молонов Артём лама Агын дасанай унзад юм. Һахилайнь нэрэ – Лубсан Шойдог.
Артём лама 2004 ондо Ага нютаг ерэһэн байна. Агын дасанда түбэд эмнэлгын факультедэй оюутан боложо орохо һанаатай байһаниинь, тэрэ жэл һурагшадые элсүүлэн абалга болоогүй бшуу. Тиихэдэнь шойрын факультедэй оюутан боложо, дүшэн хубарагуудтай адли шажанай һургуули шудалаа. Холын газарһаа ерэһэн хүбүүн хари нютагта ядамаргүй һураа. Дасандаа байрлаад, бурханай һургаалнуудые гүнзэгыгөөр шудалһан байна. Шойро, түбэд хэлэ һайнаар үзэхые оролдоо. Бальжинима ламада заалгажа, түбэд хэлээр богони болзор соо уншажа һураа. Агын Буддын шажанай академидэ Буряад Уласhаа арба гаран хүбүүд һурадаг байха. Тэдэ, олон дасануудhаа ерэhэн хубарагууд, номдоо ехэ оролдожо, магтаалтай hурадаг байгаа гээшэ. Бурханай ном гүнзэгыгөөр шудалжа, hайнаар ойлгожо гараhан зарим хүбүүд Агын дасанда үлэһэншье байха. Һургуулияа түгэсхэхэдөө, олон оюутад нютагайнгаа дасан бусадаг заншалтай.
(Үргэлжэлэлынь 16-дахи дугаарта).
Эрдэни ЧИМИТДОРЖИЕВ.