Эндэ һая «Боевое братство» гэhэн ветерануудай Бүхэроссиин ниитэ эмхиин Агын таhагай гэшүүд тойрогой Наһатайшуулай зүблэлэй түрүүлэгшэ Цырендаши Сандановтай заншалта ёһоор уулзажа, шиидхэгдээгүй асуудалнуудаар, ябуулха хараа зорилгонуудаараа хөөрэлдөө хээ. «Боевое братство» гэһэн Агын таһагай түрүүлэгшын уялга дүүргэгшэ Тумэн Санданов, афган ба чечен дайнай ветеранууд Тумэн Дашинимаев, Ирина Балданова, Саян Дашидондоков уулзалгада хабаадаһан байна. Февралиин эсэсээр Советскэ Союзай, Россиин Баатарнууд Базар Ринчино, Алдар Цыденжапов гэгшэдэй мүнхэ дурасхаалай, майн 9 – Агуу Илалтын 75 жэлэй ойн баярай ба бусад гүнзэгы удха шанартай хэмжээ ябуулганууд литэдэ оронхой. «Сэрэгэй ниитэ хэмжээ ябуулгануудые үргэн дэлисэтэйгээр үнгэргэхые оролдохобди», - гэжэ ветеранууд тодорхойлоо.

You have no rights to post comments