Тиин ой тайгаар, тала дайдаар үдэhэн шононууд мал адуунда добтолжо, хүдөө ажахыда хэды шэнээн hаад ушаруулна бэ? Хизаарай дэбисхэр дээрэ шонын тоо 2500-3000 толгойhоо олошорхо ёhогүй hаа, тоо бүридхэлэй баримтануудаар, хоёр дахин үлүү болодог байна бшуу. Хүдөө ажахыда хэды шэнээн хосорол хойшолон ушаруулдаг, зэрлиг ан арьяатанай аймагта ехэ хоро хүргэдэгшье hаань, шононуудые үгы хэжэ огтолон болохогүй, юрэл тооень гуримшуулха ёhотой юм.
Агын аймагай ангуушадай бүлгэмэй гэшүүн Шойроп Бороевой хэлэhээр, шонотой тэмсэл hүүлэй үедэ улам эдэбхижээ. Үнгэрэгшэ жэлһээ эхилжэ, 35 шоно баригдаа. Аймагай хойто бэеын нэгэ нютагай дэбисхэр дээрэ ангуушад нэгэ нүхэнhөө 6 гүлгэ гаргаа, тэдэнэй 5-иинь эмэ байгаа. Мүнѳѳ шоно баригшад урмашуулагдана, хизаарай Правительствын тогтоолоор, 1 толгой шонын түлөө 7000 түхэриг түлэгдэнэ.

You have no rights to post comments