Январиин янгинама хүйтэнэй үеэр Агын яармаг үнгэргэгдэдэг һэн. Базар залуу, омогтой ба хаартын холшортой болоод ябаһанаа, яармаг гээшые үзэхэеэ ошоһон байгаа.

   Зэргэлээд байһан гурбан һэеы гэртэ дүтэлбэ. Нэгэндэнь адууһанай тарган мяхан наймаалагдана, нүгөөдэдэнь зон олон, арбаад һээр табяатай, шиираг хүбүүд хүсэ шадалаа элсүүлэн шаажа байба.

   Гэрэй эзэн олон хүбүүдэй хухалжа ядаһан, сайн шаарада хэжэ шарлуулһан бухын һээр Базарта һарбайба. «Гурба дахин шаахаш, хухалаагүй һаа, мүнгэ түлэхэш», - гэбэ ха. Тэрэ һээрынь хоёр жэл удаа олон бүхэ хүбүүдэй хухалжа ядаһаар байтар, бодо малай сэнтэй болоод байһан гээ. Базарай тэрэ яһа бариха мүртөө гараа дэлин шаажархихадань, «пяс» гэжэ абяан гараад, һээрэй тархи һэеы гэрэй хана сохёод хиидэһэн ха. Байгша зон шууялдаад газаашаа гарахадаа, энэмнай аймшагтай хүн байна гэлсээ һэн ха. Хүнүүдэй хараһаар байтар, туулмагтай мүнгэн Базарай гарта ороо һэн ааб даа. 

   Долгор РАДНАБАЗАРОВА. 

You have no rights to post comments