Эндэ тэндэ хонхорнууд бии боложо, авто-унаануудай ябахань бэрхэтэй болоо гэжэ жолоошод хэлэхэ байха. Олон жэлэй саана баригдаһан тосхоной харгынууд муудаа. Харгы шэнээр барилгада горитой мүнгэн хэрэгтэй. Харгы заһабарилдаг подрядна эмхинүүд мүнгэнэй бага дээрэһээ харгын жалга, яама бүтүүлээд дүүрэдэг байгаа. Тосхоной захиргаанай харгын жасаһаа гудамжануудые заһабарилгада жэл бүри 7 сая түхэриг һомологдодог. Байгша ондо тосхоной захиргаан мүнгэ оложо, Ленинэй гудамжын харгын капитальна заһабарилга хэжэ эхилээ. Грейдернүүд ябажа, асфальтын хушалта һэлгүүлнэ, бордюрнуудые табина, ябаган зоной зүргэнүүд шэнэлэгдэнэ, хорёонууд хэгдэхэ. Агын баруун тээ Балжан хатанай хүшөөгэй хажуудахи гүрэнэй харгыһаа зүүлжээ тосхоной талмай хүрэтэр дардам харгы хэгдэнэ. Энээндэ 36 сая түхэриг гаргашалагдана, тэрэнэй 3,5 тосхоной бюджедһээ һомологдоно бшуу. Тосхоной олон гудамжануудаар заһабарилгын ажалнууд хараалагдана.

You have no rights to post comments