ТОС-ойхид түлэблэлдэ грантынгаа 100 мянган түхэриг оруулаа. Тэдэ 2019 ондо «Формирование здорового образа жизни и повышение качества жизни населения» гэһэн хизаарай конкурсдо илагшад болоо һэн. Гадна зарим мүнгэн Тогон Санжиевай нэрэмжэтэ гудамжа болбосон түхэлтэй болгохо хэрэгтэ гаргашалагдаа, үшөө нютагайхидынь модо таряа.

Тогон Санжиев 1904 ондо Сагаан-Уула нютагта түрэһэн. Дайнай урда тээ таряан бригадада бригадираар хүдэлөө, 1939 ондо Москвада ВДНХ-гай хабаадагша юм. 1941 оной август һарада дайнда мордоо һэн.

Хойто ба Баруун фронтдо пехотодо алба гараһан. Тиихэдээ15 сэрэгшэдые байлдаанай газарһаа гаргажа, түрүүшынгээ габьяа харуулһан байна. Тэрэ баатаршалгын түлөө Улаан тугай орденоор шагнагдаа бэлэй.  

Мэргэн буудагшадай отрядта орохын түлөө шалгалта гарахадаа, тэрэ 200 метрһээ немец монетэ 3 буудалгаһаа нүхэлжэ, хургандаа бэһэлиг шэнгеэр зүүһэн байна. Тогон Санжиев мэргэн буудагша байхадаа, 186 немецүүдые һалгаһан шуу.

1942 оной май һарада дайсанай 68 солдадуудые болон офицернүүдые хюдаһанай түлөө командованиин зүгһөө шагналда зууршалагдаһан юм. 1942 оной июниин 22-ой захиралаар Улаан Тугай орденоор шагнагдаһан. Харин энэ шагналаа абажа үрдеэгүй...

Тогон Санжиев хүндэлэн ёһолон, дайшалхы шагналнуудтаяа Старая Руссо хотодо хүдөөлүүлэгдэһэн. Снайперай винтовко залуу мэргэн буудагша Борис Канотовто дамжуулагдаһан юм.

You have no rights to post comments