Фашистска концлагерьта зон яажа зобоноб гэжэ мэдэхэдээ, тэрэ миин байжа шадаагүй һэн. Немецүүд лагерь соо тарадаг үбшэнгүүдһээ айдаг тула тиишэнь гансал эмшэдые табидаг бэлэй. Ирена эмнэлгын хуурмаг данса хээд, үдэр бүри лагерь руу ородог һэн. Энэ жаахан бэетэй эхэнэр 2500 хүүгэдые абаржа шадаа бэлэй. Тэрэ үхибүүдые канализаци болон туннелеэр гаргадаг, тон жаахануудыень хайрсаг болон эмнэлгын зэмсэгүүдэй чемодан соо хээд гарадаг байгаа. Хобуушанай ашаар Ирена тушаагдаа һэн. Немецүүд удаан тамалаа, хүл, гарыень хухалаа, тиибэшье тэрэ туһалагшад тухайгаа хэлэжэ үгөөгүй, арай гэжэ тэрьедэжэ шадаһан байна. Тиигээд Ирена үхэн үхэтэрөө тулууртай ябаа. Тэрэ дайнай һүүлээршье ажаябуулга тухайгаа нэгэшье тунхагладаггүй, харин «нүхэдтэеэ суг абардаг байһанби» гэжэ ходо тэмдэглэдэг һэн. Тэдээнһээ гансал Ирена үндэр наһатай болотороо ажаһууһан юм.

2000 он болотор энэ эхэнэр тухай олон хүн мэдэдэггүй һэн. Тиибэл Ирена Сендлерые Нобелиин шагналда дурадхаһан байна.

Комисси баатаршалгын шагналда хүртэхөөр бэшэ гэжэ тоолоод, дэлхэйн хэмжээнэй дулааралга тухай репортаж хэһэн Альберт Горто шан үгөө һэн. Наһатай болоһон баатар эхэнэртэ абарагдаһан 2500 хүүгэдэй түлөө баяр хүргэхөөр, хүндэлхөөр бэшэ байгаа гээшэ гү? Ирена Сендлер 99 наһатайдаа наһа бараа һэн. Тэрэ баатарлиг ябадал үйлэдөөб гэжэ нэгэшье тоолодоггүй, үшөө олон хүниие абаржа шадаагүйб гэжэ шаналдаг байһан. Ирена Сендлер айхабтар шэн зоригтой байгаал даа. Ямаршье магтаал, шагнал хүлеэнгүйгөөр, хубиингаа жаргалһаа арсажа, ами наһаяа хүн зондо зорюулһан юм.

You have no rights to post comments