ГИМС албан хадаа уһан дээгүүр ябадаг бага хэмжүүртэй онгосонуудые хинан шалгадаг. Хизаарай гүрэнэй инспекцидэ 47 хүн ажаллана. Тэрэ тоодо 28 инспекторнууд тоологдоно. ГИМС-ын бүридэлдэ нэгэ инспекторскэ отделени, патрульна гурбан албангууд, бүридхэлдэ оруулдаг ба шалгалта абадаг нэгэ бүлгэм бии. Хизаар дотор ГИМС-ын бүридэлдэ 8718 онгосонууд, 46 пляжууд, хүүгэдэй амардаг 20 лагерьнууд, мүльһэн дээгүүр гарадаг 37 газарнууд ородог гээшэ. ГИМС-ын албан авто-унаагаар, тамаралгын, хэлхеэ холбоогоор, абаралгын хэрэгсэлнүүдээр гүйсэд хангаатай.
"Толон" Һониной редакциин хүдэлмэришэд ГИМС-ын албанай инспекторнуудые энэ үдэрөөр амаршалаад, амжалтые хүсэнэ.
