Цыбен Жамцараногой нэрэмжэтэ Үбэр Байгалай хизаарай номой сан «Алтаргана» фестивалиин хэмжээндэ үнгэргэгдэхэ номуудай конкурсдо шэлэлгын шатын мүрысөө соносхобо. Августын 10-hаа эхилжэ, номой сангай Адрес электронной почты защищен от спам-ботов. Для просмотра адреса в вашем браузере должен быть включен Javascript. гэhэн электронно хаягаар конкурсдо хабаадаха мэдүүлгэнүүд абтажа эхилэнхэй.

Бэшэмэл зохёолнуудай арад бүхэнэй түрэлхи хэлэнэй хүгжэлтэдэ түлхисэ үгэжэ, үндэhэ hууринь болодогынь гайхалгүй. Бидэ түрэл хэлэеэ зандань байлгаха, элитэ уран зохёолшодой, уран шүлэгшэдэй номуудые дэлгэрүүлхэ, буряад арадайнгаа үндэhэн соёл хүгжөөхэ г.м. гол зорилгонуудтайбди. «Алтаргана» фестивалиин номуудай харалга-мүрысөөндэ мэдээжэ, hаял гуурhанай туршалга хэжэшье байһан авторнууд талаан бэлигээ элирүүлхэ. Тэдэнэй ажал хэрэг дэмжэжэ, олон уншагшадта зохёолнуудыень дамжуулха байһанаа мэдүүлэе.

Номой шэлэлгын шатын конкурсдо Үбэр Байгалай хизаарай аймагуудай, «Ага тосхон» хотын тойрогой уран зохёолшод, уран үгэдэ дуратайшуул ба хэблэлэй эмхинүүд хабаадаха аргатай. Тиихэдээ 2018 оной август hараhаа 2020 оной ноябрь болотор буряад хэлэн дээрэ хэблэгдэhэн номууд конкурсдо хабаадаха. Гэхэ зуура конкурсдо хабаадаха номууд заабол ISBN-тэй байха гэhэн шанга эрилтэтэй. ISBN гэһэн уласхоорондын дугаар саарhан дээрэ хэблэгдэhэн, мүн электронношье номуудта табигдаха ёһотой. Нэгэ автор хэдышье янзада номоо зууршалха аргатай. Зүгөөр дахяад шэнэлэгдэн хэблэгдэhэн номууд конкурсдо хабаадахагүй. «Үхибүүдтэ зорюулагдаhан литература», «Прозоор бэшэhэн уран зохёол», «Шүлэглэмэл зохёол», «Баримтата номууд», «Буряадууд ба буряад соёл тухай бусад хэлэнүүд дээрэ бэшэhэн номууд» гэhэн 5 ян-заар номуудай мүрысөөнэй дүн татагдаха.

2016 ондо Улаан-Үдэдэ «Алтаргана» үнгэргэгдэхэдөө, буряад номой харалга-конкурс анха түрүүшынхеэ эмхидхэгдээ hэн. Тиихэдэ Үбэр Байгалай хизаарай, Буряад ороной, Эрхүүгэй можын, Москва хотын, Монголой, Хитадай түлөөлэгшэд - 94 авторнууд хабаадаа hэн гээд hануулая. Үбэр Байгалай хизаар түлөөлһэн Дарима Дугаровагай «Алтан туяа. Би өөрөө», бүлэг багшанарай бүридхэһэн «Алтан туяа», Бато-Мунко Жигжитовэй «Хоёр үндэрэй хормойдо» гэhэн номууд лауреадай зэргэтэй болоһон юм.

Эрхүүдэ болоһон 2018 оной «Алтарганын» номой конкурсдо Эрхүүгэй можын гүрэнэй эрдэмэй номой санда, Буряад Уласай, Үбэр Байгалай хизаарай, Эрхүүгэй можын, Монголой номой хэблэлнүүдтэ барлагдаhан 70-аад ном хабаадаа. Үбэр Байгалай хизаарайхид 29 ном үзэсхэлэндэ табиһан байна. Бүгэдэ буряадай «Толон» hониной «Һолонго», Намсалма Будаевагай «Уран үгын шэди», Зоя Барановагай «Нашей истории строки» гэhэн номууд лауреадай шангуудта хүртөө.
2021 ондо Агын тойрогто эмхидхэгдэхэ харалга-мүрысөөнэй шэлэлгын шатын конкурсын дүримүүд манай номой сангай agalibr.ru сайт дээрэ табигданхай.

You have no rights to post comments