Хүгшэн абындамнай болоһон ушар. Ноябриин 24-дэ Тимур ахай дүрбэтэй боложо, гэр бүлөөрөө түрэһэн үдэрыень тэмдэглэхэ гэжэ сугларба. Ахай яһала олон бэлэгтэй болобо: пистолет, ном, гоночно машина... Тэдэ бэлэгүүд сооһоо хүгшэн абатанай бэлэглэһэн томо гэгшын КамАЗ ахайда тон ехээр һайшаагдаба ха. Тэрэнь, нээрээшье, гоё машина байгаа: улаан кабинатай, ногоон кузовтай, кузовынь дээшээ, доошоо болодог. Гансал кабинынь үүдэн нээгдэдэггүй. Яахаб даа. «Бэлэглэһэн мориной шүдэ харадаггүй» гэһэн сэсэн буряад үгэ бии бэшэ гү даа. Аа? Юун? Ойлгоо, ойлгоо, буряад бэшэ, ород оньһон үгэ. Заа, ахаймнай тэрэ КамАЗ-аа таһа бажуугаад лэ, хэндэшье үгэнэгүй. Ээлжэлээд наадагты, бэшэндээ үгэ гэхэ мэтээр эндэһээнь, тэндэһээнь зон аргадана. Харин Тимур ахай тэрэнээ өөрһөө холо табинагүй ха. Тииһээр Баир ахайтан томо гэгшын торт абаад ерэбэ.
- Хүн зон! Ерэгты, торттойгоор сай ууя, - гэжэ Хүндүз абгай ооглобо…
"Машинамни хайлашоо, аа-аа".
Дэлгэрэнгыгээр 46-дахи дугаарта.
