Буряад хэлээр «Намтай болоһон ушар» гэһэн проект хэхэ даабари абабабди. Ямар һонирхолтой ушар намтай болоо һэн бэлэй гэжэ удаан бодолгото болобоб. Һанагдаха юм бэшэ. Эжын ажалһаа ерэхэдэ: «Намтай ямар һонин ушар болоо һэн бэ? Буряад хэлээр даабаритайбди!» - гэжэ хэлэхэдэм, эжышье һанаха юм бэшэ. Абынгаа ерэхэдэ һурабабди – абашье мүртэй юумэ һананагүй. Гэрэй даабари дүүргэнгүй ошоо һаам, Ольга Шулуновна багшамни «хоёр» табиха гээшэ гү, али ээллэхэ гү гэжэ бодолгото болон унтахаяа бэлдэжэ байтарни, гэнтэ нюураа угаажа байһан эжым:
- Аа, һанааб, һанааб! – гэжэ шанга гэгшээр хашхаржархиба.
Унтаридаа ороод байһан аба:
- Юун болооб?! Юу һанаабши? – гэжэ сошобо.
- Энэ шампунь хараад һанажархёоб!…Һанана гүш, Баирнай яагаад тон түрүүшынхеэ пол угаагаа һэм?
Тиихэдэнь унтахаяа байһан аба хахажа байжа:
- Аа, нээрээ, нээрээ! - гэжэ байжа, шангаар энеэбэ.
Тиигээд лэ эжы аба хоёр энэ ушар намда хөөрөө һэн. Зай, шагнагты. Би тиихэдэ хоёртой байгаа хаб. Арюна абгайм намhаа арбаад эгэшэ юм. Абгайм үдэр бүрил полоо угаадаг һэн. Тиигээд хүнэгтэй уһан соогоо заал һаа шампунь дуһааха. Гоё һайхан үнэрэй түлөө юм гү, али полой ялаганахын тула гү, бү мэдэе…
Дэлгэрэнгыгээр 46-дахи дугаарта.
