Эрьелдээ, эрьелдээ Самбу,
Ээрүүл шэнгеэр эрьелдээ.
Толгойнь оройһоо тэсэнгүй,
Тойробшо малгайнь хиидээ.
- Ай, зайлуул! - гэбэ хүгшѳѳ, -
Аргаарыш, тоомтойгыш, ашам!
- Би космонавт гээшэб! -
Бишыхан Самбу харюусан,
Гайтай түргѳѳр эршэгэнэн,
Гарнуудаа далидал арбайлган,
Ногоон дээгүүр бушаганан
Ная сохин ябашана.
Гэнтэ хүбүүнэй толгой эрьен,
Гэдэргэ, уруугаа найгалзаад,
Хүрьһэтэ газар хэлбэлзэн,
Хүбүүнэй дээрэһээнь намхалзан,
Хүлнүүдынь «хүлигэдэ» татагдан,
Хүльбэршэбэ орондоглон.
Самбугай нюдэд мэлмэрнэ,
Самбугай эжынь гэмэрнэ...
Бараг даа, хүйхэр, бү уйда,
Багал тэнсүүриинь алдааш:
Космонавтнууд
Замбуулинаар ниидэдэг һэмнай даа,
Харин ши, газарта хадань лэ унааш.
Цыдып ЖАМБАЛОВ.
