Намартаа дайдамни гурбан тодо үнгэтэй.
Набшаһан шара, тала таряамнай шара.
Наранай үнгэ гээд манай үбгэд хэлсэгшэ,
Намжаа нютагым, наран, һайса шара!
Хүхэрнэ хүбшэ. Хүнгэн уняар тунаад,
Хүбөөгөөрөө хүбшэмнай тэнгэритэеэ ниилэнги.
Хахалагдаһан газарнай хаб хара аад,
Хараани холоһоо хилэн энгэр шэнги.
Гурбан үнгынь гүрэлдөөд байхань һайхан.
Гуниглан байжа шэртэхэлши гайхан.
Хара гэзэгэтэй, хүхэ торгон тэрлигтэй
Халюун малгайтай буряад хүнэй шэнжэтэй.
Дондок УЛЗЫТУЕВ.
