Ага нютагай уран гартан "Алтаргана" нааданда.
Холо ойроhоо ерэhэн арадай урашуул 157 жэлэй саана байгуулагдаһан, жасадаа нэгэ саяhаа үлүү номтой, Зүүн Сибириин эгээл томо номой сангуудай нэгэн болохо газарта сугларжа, бэе бэеынгээ бү-тээлнүүдые һонирхон хараа, дүй дүршэлөөрөө хубаалдаа. Тиихэдэ Усть-Ордагай Буряадай тойрогой, Монгол Уласай уран бэлигтэйшүүлэй ажалнууд үсөөншэгшье һаа, ѳѳрын маягтай, удха шанартай байгаа. Буряад ороной урашуулай 100 бүтээл асархадань, Агын тойрогойхид 3 дахин олон уран ажалнуудаа үзэсхэлэндэ табяа. Эрхүү хотодо манай нютагай 29 урашуул 300 гаран бүтээл ураг-шатай һайн харуулжа, олоной магтаалда хүртөө. Урлалай, номуудай, сурбалжалагшадай конкурснуудай нээлгын баяр ёһололдо сугларагшадые хани халуунаар амаршалһан, тус номой сангай директор Лариса Сулейманова иигэжэ хэлээ һэн: «Агууехэ буряад арадай соёл болбосорол, жэнхэни заншал, танай асарһан элдэб янзын урлал, номууд гэхэ мэтэ бидэниие ехээр гайхуулба, сэдьхэлыемнай шэмшэрүүлэн, шэнэ һанал, бодол түрүүлбэ». Саашань нээлгэ хүтэлэн ябуулагша «арадай уран урлалай бүтээлнүүдэй харалга-мүрысөөндэ Россиин 4 регионай болон бата бэхи хани барисаа-тай 2 хүршэ оронуудай дүн хам-та 90 урашуул хабаадаха юм» гэжэ тэмдэглэһэн байна.
