Мүнөөдэр ород литээр апрелиин 19, монгол һарын 27.
Хара уһан луу үдэр.
Үһэ хайшалха - Һанагаа амархада.
Мүнөөдэр ямаршье жэлтэй зондо һайншье, муушье байха.
Үхэр, луу,нохой жэлтэй хүнүүдэй хуби заяагай - һайн үдэр.
Мүнөөдэр дасанда ута наһанай маани захихада, эд зөөриин нэмэлгын еһолол бүтээхэдэ - таарамжатай байна.
Бурхадай хүшөө, болон шүтэлгын зүйлнүүдые рамнайлуулхада, ламын сан абахада, бурханай ном заахада, буян хэхэдэ, дасан гороолходо, тумэрөөр дарха хэхэдэ - һайн үдэр.
Энэ үдэр ямба хэхэдэ, онгосо, болон хүүргэ дархалхада - таарахагүй байна.
Мал үүсэлхэдэ, эб найрамдал үүсхэхэдэ, гэрэй һуури табихада, хубсаһа ба малгай эсхэхэдэ, хурса хатхууртай зэмсэг хэхэдэ - муу үдэр.
Мүнөөдэр хүбүүн түрөө һаа - ута наһатай болон боди сэдьхэлтэй байха. Басаган түрөө һаа - бүхэли наһаяа баян байха.