Мүнөөдэр ород литээр апрелиин 22, монгол һарын 30.
Хүхэбтэр хүхэ хонин үдэр.
Үһэ хайшалхада - дайсантай уулзаха.
Нохой,үхэр, луу жэлтэй зондо - һайн үдэр.
Гахай, хулгана жэлтэй хүүнүүдэй хуби заяанай һайн үдэр.
Могой, морин жэлтэй зондо - муу үдэр.
Монгол һарын 30-да Арья Дарын үргэл болодог юм, УМ ДАРИ ДУДААРИ ДУРИ СУУХА гэһэн маани уншажа ябахаар. Буян хэхэдэ, маани уншахада, шажанай еһолол бүтээхэдэ - ехэ таарамжатай үдэр.
Мүнөөдэр баяр-жаргалые, гэр булын шадал татаха еһолол бүтээхэдэ, хүнтэй нүхэсэхэдэ - һайн. Үри бусаахада, юрын хэрэг бүтээхэдэ, зоной бэеын энхэ элүүр сахихада - урагшатай.
Хүндэ, хара ажал хэхэдэ, муу хойшолон гарахаар хэрэг хэхэдэ - муу үдэр.
Мүнөөдэр хүбүүн түрөө һаа - үбшэндэ дайруулдаг хүн болохо. Бэеыень гамнаха хэрэгтэй. Басаган түрөө һаа - номгон, түбшэн зантай байха.
