Теэд сэбэр буряадаараал “Амар сайн, хүндэтэ нүхэд! Мүнѳѳдэр бидэ үһэ хайшалаанда сугларбабди...” гээд лэ дуугаржа эхилэмсээрни, “Һү-үй!?” гэжэ бултанай гайхаһан абяан соностоо. Тиигээд лэ, ород буряадаа холижо байгаад, милаан хүтэлѳѳб. Забһарлалай болоходо, хүнүүд дүтэлѳѳд лэ, “ямар һайнаар, маанадһаа сэбэрээр буряадаар дуугарна гээшэбта? Хаана иимэ гоёор дуугаржа һураабта? Хаанахибта?” гэжэ дээрэ дээрэһээ һураа. “Агын басаганби” гэжэ харюусааб. Маанадаараа табатайхан аша басагамнай байдаг. Хүүгэдһээ нэгэ юумэ нюужа, томошуулай хѳѳрэлдэхэ сагууд бүлэ бүхэндэ һайсал болодог бэд даа. Магазин ошохо болобоб. Басагамнай заабол дахасалдаад, амтатай сахар абхуулхаяа һанаха бэд даа (амтатай юумыень хубаарилжа үгэдэгбди) гээд, аша басагандаа мэдүүлхэгүйн тула үбгэндѳѳ буряадаар “би наймаа ошоод ерэхэм” гэбэб. Нэгэ юумэ нюуха гээ һаа, буряадаар хэлсэдэг байгаабди. Теэд мүнѳѳ басагамнай ойлгодог болошоһон, “вы меня обманываете, вы же в магазин пошли” гэжэ байбал даа. Гэртээ энэ тэрэ юумээ буряадаараал хѳѳрэлдэдэг
А. Сун-Юн-Лян. Донир Доржиевай фото-зураг байнабди, тиихэдээ тэрэ жаахан басагамнайшье һаа буряад хэлэ ойлгодог
болоо, иигэһээр дуугаржа эхилхэ бэшэ гү.
- Сун-Юн-Лян гэһэн обогтнай хаанаһааб?
- Энэ үбгэнэйм обог, абань хитад юм, эжынь – ород. Үбгэмниш буряадаар бултыень ойлгохо, дуугархашье, теэд тэрэнээ балай һайрхан харуулдаггүй. Дүрбэн хүүгэдтэйбди, гурбамнай айл болонхойнууд. Буряадаар намһаа муушагаар дуугарха, зүгѳѳр хуу ойлгожол байгаа бэд даа. Долоон аша зээнэртэйбди. Тэдэмни ерэхэдээ, “Баба, давай бурятские песни петь” гэхэ даа. Үдэшэндѳѳ булта һуугаад лэ, бинь дуулахаб, тэдэмни ямар гоё аянга гээшэб гэжэ шагнаха. “Научи нас, бабушка, бурятскому языку, бурятским песням” гэдэг.
- Манай арадай ёһо гурим, заншалнуудые мэдэхэ гүт?
- Буряад хэлэ мэдэдэг байхадаа, буряад заншалнуудые тон һайн мэдэхэб, мэдэхэһээ байха, сахидагби. Үглѳѳ бүри һү сайгаа үргэдэгби.
- Һайнта даа.
Дэлгэрэнгыгээр 41-дэхи дугаарта.
