Үбдэг дээрээ һуухада, шуһан гүйдэггүй.
Үбдэг дээрээ һуухада, һудаһанууд баригдадаг. Хүлнүүдтнай 90 градусһаа бага бэшээр нугалагдаха ёһотой. Иигээд удаан һуубал, варикоз, тромбоз, али шуһанай системэтэй холбоотой ондоо үбшэнгүүдтэ дайрагдахат.
Халуун эдеэн досооһоо бэе муудхаадаг.
Халуун эдеэн микробуудтай тэмсэдэг гэжэ бултанда эли. Теэд хүнэй бэедэ ганса хоротой микробууд бэшэ, туһатайшье микробууд бии. Хүнэй бэеын үнжэгэн (нежная) арһа мяханда (ткань), илангаяа щитовидна булшархайда халуун эдеэн муугаар нүлөөлжэ магад. Аманһаа муухай үнэр гутуулжа болохо.
Бэеэ наранда хахад сагһаа удаан бэшэ шараха.
Наранда шаруулхынгаа урда тээ витамин Е хэрэглэхэ хэрэгтэй, ультрафиолетовэ туяан доро арһан түргөөр хүгшэрдэг.
Уһа хэдэн дахин бусалгаха хэрэггүй.
Уһан бусалхадаа, шанараа алдадаг, хэр удаан, хэр оло дахин бусалгагданаб, бэедэ бүри муу нүлөө үзүүлдэг. Тиимэһээ бусалгангүй, уһа сэбэрлэдэг фильтр хэрэглэгты.
Һамар эдихэдэ - наһан ута.
Аргатай һаа, үдэр бүри һамар эдигты. Һамар соо витамин Е бии, тэрэ бэеын хүгшэрэлгэ аалидуулдаг. Грецкэ һамар тон туһатай, харин үдэр соо 100 граммһаа ехэ бэшые эдихэ хэрэгтэй. Орондонь наран сэсэгэй үрэ эдихэдэ болохо, харин дан үлүү эдилтэгүй: шүдэн муудадаг.
Үдэр бүри бэеэ угахада туһатай бэшэ.
Илангаяа мылээр. Тиихэдэ халдабариһаа болон сагһаа урид хүгшэрэлгэһөө аршалдаг арһанай өөхэтэй үень (защитный жировой слой) угаагдадаг. Мылээр долоон хоногой нэгэ-хоёр дахин угааха, бэшэндэнь миин лэ бэеэ зайлахада болохо. Душта ороходоо, гель хэрэглээ һаа дээрэ.
Сэдьхэл һанаагаа тэгшэлхэ.
«Ажал-гэр-ажал» гээд ажаһуудаг зон ажамидаралдаа һонирхолгүй боложо магад. Юундэб гэхэдэ сэдьхэлдэнь түгшүүрилтэй байдал тогтоно. Гэрэй, ажалай орёо асуудалнуудһаа һамааралга хэрэгтэй. Жэшээнь, аттракцион ошогты, концерт-наадаар бэеэ хужарлуулагты г.м. Тиихэдээ ухаан бодолтнай һайн юумэндэ хандуулагдажа, сэдьхэл һанаантнай тэгшэрхэ.

You have no rights to post comments