Часуйма сай бэедэ туһатай: шуһанай эрьелтэ һайжаруулдаг; зүрхэнэй үбшэ усадхадаг; эдиһэнээ шэнгээлгын системэдэ һайн нүлөө үзүүлдэг; нервнэ системэ намдуулдаг, стресс усадхадаг, нойр жэгдэрүүлдэг; нюурай арһа, гадна бүхы бэе досооһоонь залуу болгоходо туһалдаг.
Часуйма сай гэртээ бэлдэжэ болохо. Хэрэглэгдэхэ зүйлнүүд:
1. Прессдэһэн сай (али юрын хара набшаһатай) – 300-400 грамм;
2. Һүн – 1,5 аяга;
3. Сливочнэ тоһон (шара тоһон дээрэ) – 100 грамм;
4. Уһан – 0, 5 литр;
5. Дабһан – 0,5 сайн халбага.
Урид уһа бусалгаад, сай нэмэхэ, тиигээд дээрэһээнь хабхагаар бүглэжэ, 30 минутын туршада һула гал дээрэ шанаха хэрэгтэй. Галһаа абаад, шүүмэгээр шүүхэ. Тиигээд халуун сай дээрээ һү (халааһан һаа дээрэ), тоһо болон дабһа нэмэхэ. Удаань миксерээр һайнаар худхаха. Халуунаар ууха. Хүрэхэдөө, тоһониинь загсажа, сай уухаар бэшэ болодог.
