Холестерин бага болгохо тон һайн арга гэхэдэ, бага тоһотой ургамал хэрэглэлгэ болоно. Артери сэбэрлэхэ аргатай 10 хоол дурадханабди.
Гранадай шүүһэн
Гранадай шүүһэн атеросклерозтой тэмсэдэг антиоксидантнуудаар баян.
Чеснок
Чеснок олон вирусүүдһээ, үбшэнэй хорхой халдалга болон хабдарһаа аргалдаг. 4000 микрограмм аллицин гэжэ хубинь (чесногой дүрбэнэй нэгэ хуби) холестерин ба шуһанай даралта бага болгодог, шуһанай бүлин усадхадаг гэжэ шэнжэлэгшэд батална.
Шпинат
Шпинадай лютеин бэеын муудалгаһаа аршалдаг ургамалай каратиноидоор баян байхаһаа гадна һудаһанай ханануудые холестеринэй бүлинһөө сэбэрлэжэ, инфаркт үбшэнһөө һэргылдэг юм.
Куркума
Куркума соо хабдар аргалдаг куркумин гэжэ бодос бии. Тэрэ зүрхэндэ болон зүрхэнэй ба һудаһанай системэдэ һайн.
Корица
Үдэрэй нэгэ сайн халбага корица хэрэглэбэл, холестерин бага боложо, аорто соо бүлинэй бии болохые һэргылдэг.
Помидор
Томат соохи ликопин гэжэ антиоксидант атеросклероз 50 хубяар бага болгодог.
Жэмэс
Клубника, хара нэрһэн, ежевикэ болон нэрһэн флавоноидоор баян, тэрээн соохи антоциацин атеросклероз усадхадаг.
Яблока
Яблока соо пектин гэжэ бодос бии, тэрэ холестерин бага болгодог. Гадна яблока соо шуһанай даралта доошонь унагаадаг кварцетин, кали болон магни бии.
Авокадо
Багашаг авокадо саладта гү, али сэндвичтэ нэмэгты. Үдэр бүри энэ фрукт эдижэ байхада, холестерин ба шуһанай даралта бага болодог гэжэ шэнжэлэгдэһэн.
Апельсинэй шүүһэн
Үдэр бүри апельсинэй 2 аяга шүүһэ саахар нэмэнгүй уухада, шуһанай даралта һайжардаг, артериин хабдар бага болодог. Апельсинэй шүүһэн соо шуһанай гүйсэ һайжаруулдаг, һудаһа сэбэрлэдэг С витаминай антиоксидантнууд ехэ.
