Россиин Роспотребнадзорой байгуулагдаһаар 100 жэлэй ойн баярта зорюулагдажа, Москвагай можын Серпухов хотодо санитарна албанда ажалладаг хүдэлмэрилэгшэдэй хоорондо бүхэроссиин спартакиада үнгэргэгдэһэн байна.
«Лужники» гэһэн тамирай комплексын байшан соо гүрэнэй 8 федеральна тойрогой можонууд хоорондоо тамирай олон янзануудаар мүрысөө. Урид федеральна тойрог бүхэндэ эмхидхэгдэһэн мүрысөөнүүдэй илагша можонууд Серпухов хотодо хабаадаа. Үбэр Байгалай хизаарай можын бүридэлдэ Агын тойрогой СЭС-эй албатан Баясхалана Дондокова орожо хабаадаһан байна. Хизаарай можо гар бүмбэгэ сохилгоор, столой теннисээр, мини-футболоор, стритболоор, дартсаар, шатараар мүрысөө. Баясхалана Жаргаловна дартсаар, гар бүмбэгэ сохилгоор ба столой теннисээр мүрысөөнүүдтэ хабаадаа. Хизаарай тамиршад можоороо эрхимүүдэй тоодо ороо.
Э.ДОРЖИЕВ.
