Октябриин 1-дэ хүдѳѳ ажахын үйлэдбэринүүдэй худалдаа наймаагай яармаг эмхидхэгдээ.

 Мяахан элбэг байба. Донир Доржиевай фото-зураг. 

Намартаа таряа талханай, огородой ургамалнуудай эдеэшээд байха үедэ хүдѳѳ ажахынхид яармагта хабаададаг заншалтай. Ипподромhоо «гурбан моридой» хүшѳѳ хүрэтэр ба зүүн тээшээ үрхэлжэ ехэ талмайда эдеэ хоолой зүйлнүүд, эд бараанай, хубсаhа хунарай, ажахын хэрэгсэлнүүд дэлгээгдэнхэй. Яармагhаа ажаhуугшад дэлгүүрэй сэнhээ хэзээшье үнэгүйгѳѳр үмсэдѳѳ, ажахыдаа эд зѳѳри абаха аргатай байдаг. Хамтын ажахынууд, олзын хэрэг эрхилэгшэд, фермернүүд, юрын зоншье таряа, мяха шэрэжэ асараад, наймаада элбэгээр табиhан байба. Намарай шанга hалхитай амаралтын үдэр тойрогой, хизаарай холо ойро газар нютагуудhаа зон олоор ерээ бшуу. Яармаг дээрэ мяханhаа элбэг юумэн үгы хаш гэжэ ажаглахаар. Адуунай, үхэрэй, гахайн, хониной - мяхан элбэг даа! Намарай мяхан тарган. Дүтэлжэ харахада, худалдагшад мяха хуби хубяарнь урид сабшаhан, үе үеэрнь эбдэжэ, наймаада табинхай байгаа. Гуя, ха, гэдэhэ гүзѳѳнэй мяха зон дуран соогоо абаа.

Дэлгэрэнгыгээр 40 -дэхи дугаарта.

You have no rights to post comments