Хүдөө ажахынуудта болон КФХ-нуудта суг хамта 101622 толгой хонин хайшалагда. Могойтын аймагай ажахынууд эгээл олон хонидые хайшалжа, 140 тонно нооһо абаһан байна. Удаань Агын аймаг - 116, Дулдаргын аймаг - 37,5 тонно. Мүнөө үедэ хүдөө ажахынхид нооһонойнгоо шанар абажа, Ставрополиин хизаарай Невинномысск хотын «Всероссийский научно-исследовательский институт овцеводства и козоводства» гэһэн нооһо шалгадаг туршалгын лаборатори руу эльгээһэн байна. Оршон сагта нооһоной сэн дэлгүүртэ ехэ үнэгүй бшуу. Тиимэһээ ажахынууд оройдоол нарин нооһо килограммынь 60 түхэригөөр, шэрүүн нооһо - 10 түхэригөөр тушаана бшуу. Харин үнгэрэгшэ жэлдэ ажахынууд 100-115 түхэригөөр тушааһан байна. Руно гэһэн эмхи тойрогой ажахынуудһаа, үмсынхидһөө нооһо абана. Мүн зарим ажахынууд Хакасс орон руу тушаана. Тойрогой 27 ажахынууд хондиые үсхэбэрилнэ.
