Һүүлэй жэлнүүдтэ Сагаан-Уула нютагай залуушуул хүдөө нютаг гаража, табан хушуун мал үсхэбэрилхэ зорилготойгоор буусануудые түхеэрнэ.
Цыритор ба Хандажаб Гармаевтан.
Сагаан-Уулын 29 наһатай Цыритор Гармаев үмсэ болохо гэжэ шиидээд, найман жэлэй саана «Шэвьеэ» гэжэ газарта ажахы байгуулаа. Шэнэ бууса, дал ба бусад байрануудые барижа, байдалаа дангигар болгоо һэн. Залуу фермер хүдөө ажахын тусхай мэргэжэлтэй юм. Тэрэ нютагайнгаа дунда һургуулиин һүүлээр Могойтодо хүдөө ажахын колледждо хоёр жэл һуража, малай аргашанай мэргэжэл шудалһан байна. Шэвьеэ голой хажууда үмсын мал харууһалжа байтараа, нүхэртэеэ фермернүүд болохо гэжэ зүбшэн хөөрэлдөө. Залуу айл һая болотор 33 толгой эбэртэ бодо малтай, 41 хонитой, 5 гахайтай, 27 моритой байгаа.
Урда жэлнүүдтэ трактор техникэнүүдээр хангагдаа һэн. Фермер Цыритор Гармаев мал үсхэбэрилгэдэ онсо анхаралаа хандуулдаг. Далайнь хуһамаг соогуур ба газаагуурыньшье шубууд, эбэртэ бодо мал олон. Гармаевтан малайнгаа шуһа холижо, үүлтэрыень һайжаруулха зорилго табиһан байна. Һү мяха шэрэхэ УАЗ авто-унаа тон хэрэгтэй байгаа бшуу. Банкһаа мүнгэ зээлеэр абаа һаа гэхэдэнь, түрэсэнь ехэ. Грантда дансануудаа бэлдэжэ, дэмжэлтэдэ хүртөөгүй һаа, бэшэ найдал үгы гэжэ бодомжолоод, саарһануудаа бүридхэжэ эхилһэн байха юм.
Дэлгэрэнгыгээр 6-дахи дугаарта.
