Хүдөө ажахынуудаар эхэ хонидой түрэлгэ эхилбэ.
Тойрогой Захиргаанай АПК-гай таһагай мал ажалай талаар мэргэжэлтэн Жаргал Галсановай мэдүүлһээр, мартын 20-ой байдалаар, хамтын ажахынуудта 59962 толгой зуһаг, эхэ хонин тоологдоно. Ганса эхэ хонид 54302 толгой болоно. Эхэ хонид тойрогой хамтын ажахынуудай 141 буусада үсхэбэрилэгдэнэ. Үнгэрэгшэ намар 52763 толгой эхэ хонин үрэжүүлэгдэһэн байна. Зарим отарануудта хусанууд табигдаа, диилэнхидээ хэмэл аргын үрэжүүлгэ ябуулагдаа. Жаргал Цыреновичэй хэлэһээр, байгша ондо хонишодто зуун эхэ хонинһоо ерэн хоёр хурьга абаха түсэб-даабари үгтэһэн байха юм. Жэл бүри эхэ хонидой тоо толгой үсөөн болоно.
Шэнэ тул.
Гэбэшье олон малтай ажахынууд бии, хонин һүрэгөө арьбадхажал байдаг шуу. Агын аймагаар «Хүнхэр» - 6542, «Согто-Хангил» - 6915, «Урда-Ага» - 1926; Могойтын аймагаар «Догой» - 5210, Ленинэй нэрэмжэтэ (Зугаалай) - 4300, «Хүһөөшэ» - 3351, Кировэй нэрэмжэтэ (Хара-Шэбэр) - 2645, «Гэрэл» эмхи - 2065, «Победа» - 1974; Дулдаргын аймагаар «Родина» - 6611, «Онон» - 3559, «Балжана» - 1424 хонин бии. Тойрог дотор эгээл түрүүн Кировэй нэрэмжэтэ, «Гэрэл» ажахынууд түл абалгынгаа хаhа эхилээ. Тиимэһээ эндэ хараад үзэхэдэ, Могойтын аймагуудай ажахынууд олон хонитой байна бшуу. Мартын тэн багаар диилэнхи хуби ажахынууд харюусалгата ажалдаа орохо түсэбтэй. Зарим ажахынуудаар апрель һарада сакман эхилхэ болзортой. Тиихэдэ Дулдаргын “Элеэ”, “Эрдэм” ажахынууд хамтын мэдэлэй нэгэшье хонигүй. Саашань нэрлэбэл, Дулдаргын «Табтаанай» - 61, «Үзөөн» - 128, «Шандали» - 293, Агын «Хойто-Ага» - 232, «Һүдэнтэ” – 251 эхэ ба зуһаг хонидтой.
Дэлгэрэнгыгээр 12-дохи дугаарта.
