Мал ажал эрхилдэг манай тойрогто таряа тарингүйгөөр ажаhуухань аргагүй. Таряа ямараар ургуулнабши, тэжээл хоол хэр бэлэдхэнэбши, тэрээнhээ малай үбэлжэлгэ дулдыдадаг ха юм. Тиимэhээ жэлhээ жэлдэ тэжээлэй ургамал ехээр тарижа, малаа таряанай зүйлөөр хангадагнай мэдээжэ.
Таряалангууд дээрэ хүлгѳѳтэй.
Мүнөө хабартаа ажахынууд таряа тарилгада хэрэглэгдэхэ үрэhэ хүрэнгэ оложо һуулгаһан байна. Энэ талаар тойрогой Захиргаан, аймагай ажахынууд жэл бүри ехэ ажал ябуулдаг байна бшуу. Тойрогой 17288 гектар газарта орооһото культуранууд таригдаһан байха юм. Тон хүндүүлхэй асуудалнуудай нэгэн гэхэдэ, таряашадай ехэ оролдожо тариһан орооһото культуранууд ган гасуурта гамгүй дайрагдаа бэлэй. 636 га таряалан халуун наран доро шатаһан байна. Тиихэдэ 639 га таряалан тэжээлэй хоол болгогдоно. Тиимэһээ 12124 гектар газарһаа шэниисэ, ешмээн, обёос, зелёнко хуряагдана. Тойрогой суута ажахынуудай нэгэн «Хүнхэр» ажахын таряашад поли дээрэһээ баян ургаса хуряажа байна. Хүнхэрэйхид 1680 гектар таряаланда 600 га шэниисэ, 780 га обёос, 300 га ешмээн тарижа, дууһан хуряажа абажа байна. Дунда зэргээр шэниисэ - 13, обёос – 14, ешмээн 17 центнерээр жэгдэрээ. Түрүүн вал болгожо унагаагаад, хойноһоонь суглуулжа абаһан юм. Сүүгэлэй тоог руу таряагаа зөөжэ дүүргээд, тэрэнээ арилгана. Тойрогой мэдээжэ таряа ургуулагша Сувор Батомункинай тариһан 300 га обёос 18 центнерээр жэгдэрээ бшуу. Согто-Хангил нютагай Баир Дондоковой 80 га газарта обёос тариһаниинь, нэгэ гектарһаа 12 центнер ургаса абтагдаа. Могойтын аймагта «Хүһөөшэ», «Победа», «Бооржогонтой», «Догой» хамтын, Хара-Шэбэрэй Чимит Болотовой, Пурбо Галсановагай, «Колос», «Гэрэл» үмсын ажахынууд эрхим ургаса хуряана.
Дэлгэрэнгыгээр 41-дэхи дугаарта.
