Димын эдир наһан Могойто тосхондо үнгэрһэн. Тэрэ һургуулидаа эгээл эдэбхи-тэй, аашатай һурагша ябаа. Д.Блохин хизаарай КВН-эй можодо Цэдаши Барадишириев, Баир Барадиев ба бусадтай Дээдэ Лигэдэ эрхимээр наадаһан байха юм. Нютагайнгаа хүбүүдтэй «Омог» бүлгэм байгуулжа, хото, тосхонгуу-даар зугаатай программануудые харуулдаг. Залуушуулай дунда ехэ мэдээжэ болонхой. КВН харагшад Димын тайзан дээрэ гарахые, наадыень заатагүй хүлеэн байдаг. Тэрэ нюдэ сабшаха зуура нюур шарайгаа, түхэл маягаа, аяг аашаяа ондоо болгожо, дары түргэн ондоо рольдо орожо, тэрээн бүри харагшадые «эльгэ хатуулан», нюдыень хужарлуулжа шададаг. Димын хэлэһээр, харагшадай нэрьемэ альга ташалга доро, забдагүй энеэдэнэй сууряанhаа өөрөө улам урмашан ябадаг. 

You have no rights to post comments