Агын Буряадай тойрогой 80 жэлэй ойн баярай тэмдэглэгдэхэ үедэ Ага тосхоной Комсомольская гудамжаар, тойрогой Захиргаанай сэхэ урда, 5 метр үндэртэй хүрэл барельефтэй Арадуудай хани барисаанай болон Ажалай Улаан Тугай орденуудай стелын нээлгэ үнгэргэгдөө һэн. Мүнөө жэл Агын тойрогой эдэ орденуудаар шагнагдаһаарнь, 50 ба 45 жэл гүйсэхэнь.
Баяр ёһололой оршондо – түрүүшын орден
СССР-эй Верховно Зүблэлэй Президиумэй зарлигаар, 1972 оной декабриин 29-дэ СССР-эй байгуулагдаһаар 50 жэлэй ойгоор дашарамдуулан, Агын Буряадай үндэһэтэнэй тойрог совет арадуудай хани барисаа бэхижүүлгын хэрэгтэ габьяа харуулһанай, ажахын барилга ба соёл болбосорол хүгжөөлгэдэ амжалта туйлаһанай түлөө Арадуудай хани барисаанай орденоор шагнагдаа һэн. СССР-эй Верховно Зүблэлэй Президиумэй түрүүлэгшын орлогшо М.Яснов 1974 оной февралиин 14-дэ Ага ерэжэ, баяр ёһололой суглаан дээрэ тойрогой Тугта орден зүүлгээ бэлэй. Тиихэдэ КПСС-эй Агын тойрогой хорооной 1-дэхи секретаряар Ф.Филатов хүдэлжэ байгаа, СССР-эй Верховно Зүблэлэй гурбан зарлигай депутат, тойрогой гүйсэдхэхы хорооной түрүүлэгшэ Б.Цыренов суглаа хүтэлөө һэн.
Тойрогой ажаһуугшадай зүгһөө Социалис ажалай Баатар, Кировэй нэрэмжэтэ колхозой түрүүлэгшэ Б.Мажиев, Ленинэй орденой кавалер, XIX партсъездын нэрэмжэтэ колхозой хонишон Э.Жамсаранов, РСФСР-эй габьяата багша М.Будаев, Согто-Хангилай комсомолой ударидагша С.Норбоев, Шэтын можын гүйсэдхэхы хорооной түрүүлэгшэ Н.Дмитриев гэгшэд амаршалгын үгэ хэлэһэн байна. СССР-эй Верховно Зүблэлэй Президиумэй түрүүлэгшэ Н.Подгорный зарлигта гараа табиһан юм.
Ажалай амжалтын түлөө хоёрдохи ордендо хүртөө
Ажалай Улаан Тугай орденоор шагналгын үедэ. 1977 он.
СССР-эй 55 жэлэй ойгоор дашарамдуулан, Агын Буряадай автономито тойрогые хоёрдохи орденоор шагнаха тухай ЦК КПСС-эй Генеральна секретарь, СССР-эй Верховно Зүблэлэй Президиумэй түрүүлэгшэ Л.Брежнев зарлиг гаргаа. Тиигэжэ ажахын барилга ба соёл болбосорол хүгжөөлгэдэ амжалта туйлаһанай түлөө Шэтын можын Агын Буряадай үндэһэтэнэй тойрог Ажалай Улаан Тугай орденоор шагнагдаа һэн. Энэ дурасхаалта ушараар Ага тосхоной талмай дээрэ тойрогой ажалша зоной митинг үнгэргэгдэһэн байна. КПСС-эй Шэтын можын хорооной 1-дэхи секретарь М.Матафонов орден зүүлгээ һэн. Тэрэ энэ гайхамшагта ушараар элидхэл бэлдэһэн байна.
Баяр ёһололой суглаа Агын тойрогой намай хорооной 2-дохи секретарь Д.Дугаржапов хүтэлөө, СССР-эй Верховно Зүблэлэй депутат, Агын тойрогой гүйсэдхэхы хорооной түрүүлэгшэ Ц.Соктоев, Социалис Ажалай Баатар, Кировэй нэрэмжэтэ колхозой түрүүлэгшэ Б.Мажиев, Шэнэ Орловскын ГОК-ой горно цехэй мастер Ф.Коноплёв, XXII партсъездын нэрэмжэтэ колхозой «Ошон» КМОБ-ой хонишон Б-Х.Балданова, Дулдаргын аймагай намай хорооной түрүүшын секретарь М.Смородников, РСФСР-эй габьяата врач Ц.Цыбенова гэгшэд хабаадалсаа. Үнгэрэгшэ зуун жэлэй 70 гаран онуудаар Базар Ринчиногой болон Комсомольская гудамжануудаар орденуудтай томо стенд-билборднүүд табигданхай байһан һаа, СССР гүрэнэй һандархада, 1990-ээд онуудаар задалагдаа һэн. Эдэ стенднүүдые задалалгада харгын аюулгүйе сахиха шэнэ дүримүүдэй бии бололго, светофорнуудые бодхоолгошье нүлөөлжэ болоо.
Орденуудай хүндэдэ – стелэ
Агын тойрогой орденуудай стелэ.
Агын Буряадай тойрогой Захиргаанай, ветерануудай болон ниитэ эмхинүүдэй үүсхэлээр, 2017 ондо тойрогой 80 жэлэй ойгоор дашарамдуулан, ажалай амжалта, Ага нютагта ажаһуудаг арадуудай хани барисаа һүлдэлһэн шэнэ стелэ-хүшөө бодхоохо гэһэн шиидхэбэри абтаһан байна.
Баяр ёһололой нээлгэдэ Агын Буряадай тойрогой орденуудтай тугуудые хүндэлэлэй харуулай рото баряад гаргаһан байна. Совет үеын шад улаан тугууд Агын талын зоной ажалай ехэ амжалтануудай, түүхэ бэшэгшэдэй һүлдэ, гэршэ байһаар зандаа. РФ-гэй Федеральна Суглаанай Федерациин Зүблэлэй хамгаалгын ба аюулгүйе сахилгын хорооной түрүүлэгшын орлогшо, Агын Буряадай автономито тойрогой ба Шэтын можын хүндэтэ эрхэтэн Б.Жамсуев, региональна парламентын түрүүлэгшэ И.Лиханов, Агын Буряадай тойрогой Захиргаанай хүтэлбэрилэгшэ Б.Доржиев, Үбэр Байгалай хизаарай Хуули байгуулгын Суглаанай гүрэнэй политикаар хорооной түрүүлэгшэ С.Мажиев болон «Лотос» ООО-гой директор Б.Баяртуев гэгшэд стелэ нээхэ хүндэтэ эрхэдэ хүртөө һэн.
Баяр ёһололой нээлгэдэ РФ-гэй Федеральна Суглаанай Федерациин Зүблэлэй делегацинуудай, Буряад ба Саха-Яхад оронуудай, Усть-Ордагай тойрогой, Эрхүүгэй можын, Зүүн тойрогой ПВО-гой 26-дахи дивизиин 36-дахи стрелково бригадын түлөөлэгшэд, Мангад һууринай хилэ сахилгын албанайхид, хүндэтэ эрхэтэд, Эсэгэ ороноо хамгаалгын дайнай ба ара талын ветеранууд, аймагуудай, тосхонуудай ба хүдөө һуурингуудай захиргаануудай толгойлогшонор, Ага тосхоной ажаһуугшад хабаадаа бэлэй.
Агын Буряадай тойрогой Захиргаанай хүтэлбэрилэгшэ Б.Доржиев иигэжэ тэмдэглээ һэн: «Стелэ нээлгэ хадаа колхозуудые байгуулһан, Эсэгэ ороноо хамгаалһан, дайнай һүүлээр ажахыгаа, орон нютагаа бодхоолсоһон, совет гүрэнэйнгөө һүр хүсэ бэхижүүлһэн аба эжынэрэймнай, олон үе зоной ажалай ба баатаршалгын сэгнэлтэ болоно».
Б.Доржиев хүшөөгэй авторта, архитектор Т.Цыденжаповта, баярай бэшэг барюулаа бэлэй.
Россиин Федерациин сенатор Баир Жамсуев: «Стелэ нээлгэ 1930-1980-яад онуудта бэеэ гамнангүй хүдэлһэн үеынхидые хүндэлэлгэ болоно. Ажалай хүсөөр лэ амжалта туйлахаар гэжэ энэ дурасхаалта ушар залуушуулда һануулна».
«Ага нютаг бүхы Үбэр Байгалай хизаарай баатаршалгын, ажалай, хани барисаанай жэшээ болоно», - гэжэ Үбэр Байгалай хизаарай Хуули байгуулгын Суглаанай түрүүлэгшэ И.Лиханов хэлээ һэн.
Хүрэл орденуудтай стелэ тойрогой түбэй архитектурна түхэлдэ ехэ зохидоор тааралдаа. Тус хүшөө, суута барималша Даши Намдаковой «Түншэ» хүшөө, Ага найман эсэгын нэрэнүүдтэй улаан гантиг шулуугаар бүтээгдэһэн стелэ гурбан Ага нютагта ажаһуудаг бэлэн бэшэ намтартай, бэхи болоһон арадуудай нэгэдэл, түүхэ болон соёл ба үндэһэн заншалнуудые тэмдэглэнэ.
Нордоп БАБУЕВА.
Комментарии
Мы за здоровый путь к идеальному телу
Чёрная ПАНТЕРА — это совсем другой подход к проблеме, не подразумевающий привлечения для её решения солидных ресурсов, а также, временных и финансовых. Количество людей, сумевших достигнуть поразительных результатов посредством регулярного приёма препарата достигло нескольких десятков тысяч. И их число неуклонно растёт.
Мы учли свойства отдельных овощей, фруктов и создали уникальный многокомпонентный продукт, аналогов которому на сегодняшний день нет. Само собой разумеется, вы имеете возможность пойти другим путём и взять в приз за свои старания красивую фигуру. Вот лишь какой ценой?! Ведь жёсткие диеты, приём гормональных препаратов, изнуряющие радикальные методы и тренировки типа липосакции – всё это дорого, долго, неэффективно и страшно для здоровья.
лечение суставов локтевых
RSS лента комментариев этой записи