Үдэшэ тээшэ боложо байһан саг.
Содном:
- Шамда үнэтэй норково дэгэл бэлэглээ һэн бэзэб? - гэжэ Цыпелма нүхэрһөө асууна.
- Бэлэглээ.
- Үбэлэй гутал абхуулаа һэн бэзэш?
- Абхуулаа.
- Тиигээ хадаа өөрөө хүбүүгээ сэсэрлигһээнь абахаш.
- Һэ, юундэ ши абахагүй болоо юмши?! Өөрөө ошыш!
- Ямар хубсаһаар!.. Һахалаа хюһахадаа түрхидэг пенкэтэй, ганса оймһо үмдөөд гү?!

Балдан басагандаа онтохон хөөрэнэ:
- Урдын урда сагта нэгэ үбгэжөөл ажаһуудаг байгаа. Тэрэ гурбан хүбүүдтэй һэн: ехэнь ухаатай, дундахинь тиимэшэг, гурбадахинь шал тэнэг байба…
Гэнтэ басаганиинь абынгаа хөөрөө таһалжа:
- Аба-аа, тэдэ хүбүүдэй эсэгэ үбдэдэг байгаа юм аабы? - гэжэ гайхангяар асууба.
- Юундэ гээшэб?
- Хүбүүдынь түрэхэ бүреэ ухаагүй боложол байгаа хадаа эсэгэнь үбшэн байгаа гээшэ! - гэжэ басаган тобшолбо.

Нэгэ үбгэн, дайнай ветеран, аршаанда амархаяа ошоод, наhажаал хүнтэй нэгэ таhалга соо байрлаха болобо. Yглөөдэрынь дайнай ветеран ондоо таhалга руу оруулхыень эмшэдые гуйба:
- Хүршэмни боомбын тэhэрhэндэл шангаар хурхирна. Би ошоошо hүни Кенигсберг хото шадархи байлдаануудта хабаадаhан мэтэ хонооб.

- Дэлхэй дээрэ эгээл хүсэтэй ямар уhан бэ?
- Эхэнэрэй нёлбоhон.
- Тон зүб.

Нэгэ сүл губяар удаан ябажа, ехээр ангаhан хүн гэнтэ урдаа худаг хараад хашхарба ха: - Уhан!!! Одоошье уhан олдобо!
Теэд худаг сооhоо хүнэй толгой бултайгаад, урдаhаань баярлангяар асууба: - Хаана уhа олообта, түргэн хэлыт!

Хүгшэрhэнэй тэмдэг: ойн баярта найрай шэрээ дээрэ эгээл түрүүшээр архи бэшэ, харин аршаантай уhан дууhадаг. 

You have no rights to post comments