Эмхидхэлэй хорооной түрүүлэгшэ Гончикбал Баировай хэлэһээр, хүшөө барилгада 6,4 саяһаа үлүү түхэриг хэрэгтэй.
«Губернатор Александр Осиповой даабаряар хүшөө барилгын эмхидхэлэй хо-роондо дэмжэлтэ үгтэһэн байна. Нютагайхидай хандибай туһаар 1,6 сая тухай мүнгэн сугларһан. Дуталдаһан мүнгэн Үбэр Байгалай хизаарай хүгжөөлгын Жасаһаа орохо. Хүнэй хандиблаһан мүнгөөр хүрэл барельефүүд бүтээд байна», - гэжэ Гончикбал Баиров хөөрөө.

Мүнгэн зөөри улаан гантиг шулуугаар хүшөөгэй һуури бүтээлгэдэ, барилгын эмхидэ, «Слава Героям-забайкальцам» гэжэ бэшээтэй гүрлөө сэсэг болон намтарнуудыень бэшэлгэдэ шэглүүлэгдэхэ.

«Мостостроительный отряд-53» ООО хүшөө бариха гэжэ шэлэгдээ.

Гончикбал Баировай хэлэһээр, хүшөө сентябриин 1-дэ табигдаад байха, харин нээлгэнь сентябриин 24-дэ түсэблэгдэнэ.
«Энэ үдэр сэрэгэй болон албанай уялга дүүргэжэ байхадаа, алдалан унаһан үбэр-байгалайхидай Дурасхаалай үдэр тэмдэглэгдэдэг. Гадна мүнөө жэл Алдар Цыденжаповай баатаршалга гаргажа, сентябриин 28-да алдалан унаһаарнь, 10 жэл гүйсэхэ», - гэжэ эмхидхэлэй хорооной түрүүлэгшэ тэмдэглээ.

Хүшөө дайшалхы болон ажалай алдар солын мемориалай аймагта «Мегаполис Спорт» гэжэ залуушуулай ордоной урда талмайда бодхоогдохо.

You have no rights to post comments