Дээшээ бодоhон хоншоортой заанай дүрсэ мүнгэ, баялиг татадаг, харин доошоо бууhан - үхибүүдэй hүлдэ татадаг гэhэн тэмдэгтэй.
Нэгэ заан – эзэндээ дотор сэдьхэлэй хүсэ шадал үршѳѳдэг:
Хоёр заан – ганса хүниие инаг амарагтайнь уулзуулдаг;
Гурбан заан - үхибүүдтэй болоходо туhалдаг;
Дүрбэн заан – мүнгэ зѳѳри, эд баялиг татадаг;
Табан заан – юрын боро байдалhаа таhаржа, шэнэ хэрэг эрхилхэдэ туhатай;
• Зургаан заан – жаргалтай инаг дура бэлэглэдэг;
• Долоон заан – hанаhан бүхы хүсэлнүүд бэелүүлэгдэжэ, алишье талаар буян хэшэг үршѳѳгдэдэг;
• Найман заан – хуби заяанай бэрхэшээлнүүдые эрэлхэгээр гаталхада туhатай;
• Юhэн заан - һонор хурса ухаан бодол хүгжѳѳдэг. Илангаяа үхибүүдэй таһалга соо табяад байхада, hуралсалайнь хэрэгтэ hайн нүлѳѳ үзүүлдэг.
• Арбан заан – ажаhуудалые hайн тээшэнь эрьюулдэг;
• Арба нэгэн заан – бэеын энхэ элүүрые, хүсэ шадал нэмээдэг;
• Илангаяа сагаан заанай дүрсэ үндэрѳѳр сэгнэгдэдэг. Тэрэ гэр бүлые хамаг муу муухайhаа аршалжа, амжалта туйлалтануудые асардаг гэhэн тэмдэгтэй. Хэрбэеэ үхибүүдтэй болохоо хүсэhэн хүнүүд зулзагатай эхэ заанай дүрсэ абажа табигты. Тус дүрсэ мүн лэ үхибүүдые аршалхаhаа гадна түрэлхидэй хоорондо эбтэй эетэй байдал тогтоодог убдистай.
• Заан аргагүй зүүдхэл шэмэглэлдэ дуратай амитан, тиимэhээ хүзүүндэнь ямар нэгэн hубhа гү, али гоёлой үлгүүр зүүлгэбэл, заабол танда баярые хүргэхэ. Yшѳѳ гоё hайхан бүд, хибэс дээрэ табяад байхада, улам хүсэтэйгѳѳр туhалдаг гэдэг. Тэрэ дэбисхэрынь, хибэсынь ѳѳрын гараар оёгдоhон гү, али нэхэгдэhэн һаа, бүри hайн.
• Заанайнгаа дүрсые үе-үе болоод аршажа, эльбэжэ, хѳѳрэлдэжэ байхань шухала. Тиихэдээ ушаралдаhан бэрхэшээлнүүд, hанаhан зориhон хүсэлнүүд тушаагаа хѳѳрэжэ, мэдүүлжэ байбал, заан улам түргѳѳр ба аша үрэтэйгѳѳр туhалдаг гэжэ тэмдэглэгдэнэ.

You have no rights to post comments