Литература болон урлалай талаар 2014-2015 онуудай Буряад Уласай гүрэнэй шангуудта хүртэгшэдэй нэрэнүүд элирээ.
Уран зохёолой талаар Доржо Сультимовта «Эхын захяа» гэжэ туужын түлөө шан олгогдоо. Ном соо инаг дуран, нүхэрэй үнэн сэхэ хандалга, эхын дуран, арадай зан заншал гэхэ мэтэ юртэмсын, хүнэй сэдьхэлэй һайн һайхан, хэзээдэшье элэдэг хуушардаггүй шэнжэнүүд тухай зураглагдана.
Н.Бестужевай нэрэмжэтэ Ород драмын театрта «Фронтовичка» гэжэ зүжэг табигдажа, найруулагшань, зүжэгшэдынь лауреадууд болобо.
Буряад ороноо суурхуулдаг «Байгал» театр мүн лэ шалгараа. «Баргажан Түхэмэй сууряан» гэжэ домогто зүжэг найруулагша ба автор Жаргал Жалсанов, композитор Галмандах Баттулга, найруулагша Джемма Баторова, хубсаһа зохёогшо Лариса Аюрова ба балетмейстер Арсалан Санданов гэгшэд шанда хүртэбэ. Домогто түүхын оршондо дэлгээгдэһэн гайхалта инаг дуран, гоё һайхан костюмууд, арадай хүгжэмэй ба хатарай олон үнгэтэ сасарал харагшадые түрүүшын минутаһаа абьяастаа абана.
Урлалай һургуулинуудай һурагшадта шангууд барюулагдадаг болонхой. Энэ удаа Дмитрий Ловцов (арадай дуунай соло ба хоор), Алексей Мертвецов (балалайка), Дарина Бубеева (циркын урлал), Валерия Гырылова (фортепиано), Мария Титова (уран зураг) гэгшэд шангуудта хүртѳѳ.
Дэлгэрэнгыгээр 1-2-дохи дугаарта.
