Шанар һайтай хэблэлнүүдтэ « Золотой фонд прессы» тэмдэг олгуулха гэһэн бүхэроссиин конкурс жэл бүри болодог. Мүнѳѳ 2017 оной конкурсын дүнгүүд элирээ. Тиин Үбэр Байгалай хизаарай 3 хэблэл - Агын тойрогой «Толон» газетэ, Шэтын «Слово Забайкалья» сэтгүүл ба «Чита спортивная» газетэ иимэ тэмдэгтэ дахинаа хүртэбэд.
Долгор РАДНАБАЗАРОВА.
Агын тойрогто бадминтон наадан хүгжэлтэ абана. Тамирай энэ янзаар нээмэл мүрысөөн эндэ һая үнгэргэгдөө. Шэтэ, Эрхүү хотонуудһаа, Забайкалиин хизаарай аймагуудһаа тамиршад ерэжэ наадаа бшуу. 16 наһа гүйсөөдүй хүбүүд ба басагадай хоорондо Ц.Болотов (Ага), Т.Будаева (Ага) гэгшэд шүүһэн байна. Бүдүүн зоной хоорондо - П.Мальчевский (Шэтэ), эхэнэрнүүдэй хоорондо - Е.Шалашова (Эрхүү), холимол нааданда - Б.Батуев, Д.Толочкина (Шэтэ).
***
Шэнэ жэлдэ ба Христосой мүндэлһэн үдэртэ зорюулагдажа, гар бүмбэгэ сохилгоор мүрысөөн үнгэргэгдэжэ, эрэшүүлэй - 17, эхэнэрнүүдэй - 14, ветеран эрэшүүлэй, эхэнэрнүүдэй арба-арбан можонууд суглараа. Эрэшүүлэй хоорондо Хара-Шэбэрэй, Хүһѳѳшын, Тугшанай, Һүдэнтын тамиршад шалгараа. Эхэнэрнүүдэй хоорондо Дулдаргын, Гүнэйн, Хара-Шэбэрэй наадашад эрхимүүд болоо. Эрэшүүл ветерануудай хоорондо Хойто-Агын, Сагаан-Шулуутайн, Хара-Шэбэрэй можонууд һайн наада харуулаа. Эхэнэр ветерануудай хоорондо Алханын, Согто-Хангилай, Сагаан-Шулуутайн можонуудһаа бэрхээр наадаһан тамиршад байбагүй. Можонуудай хоорондо Хара-Шэбэр, Сагаан-Шулуутай, Хүнхэр нютагууд һубаряад шагналда хүртэжэ, дипломуудаар, мүнгэн шангуудаар, хонёор урмашуулагдаа.
***
Могойто тосхоной “Баяр” тамирай байшан соо хүл бүмбэгѳѳр мүрысөөн эмхидхэгдээ. Шэтэ, Первомайск, Дарһан, Шиилхэ, Ясногорск хото, тосхонгуудһаа футболистнууд ерээ. Агын тойрогой гурбан аймаг, полициин хүдэлмэрилэгшэд можонуудые табяа. Эршэтэй шанга нааданда Дарһанай футболистнууд финалда Шиилхын “Ермак” можые шүүжэ илалта туйлаа. Дарһанһаа уг гарбалтай, мүнөө Москвагай суута “Спартак” можодо наададаг Сергей Волошин “Эрхим наадашан” гэһэн шанда хүртөө. Ясногорскын “Энергия” можо Агын полициин “Динамо” можые булижа, 3-дахи болоо. Алексей Петров (Ясногорск) - «Эрхим добтологшо», Аюр Дугаров («Динамо») «Эрхим хамгаалагша» гэһэн тусхай шангуудта хүртѳѳ.
Э.ДОРЖИЕВ.
