Шэтын аймагай нэгэ дотоодын таhагай мүрдэгшэд эхэнэрэй хараhан зүүдэнэй ба үзэлшэнэй үзэл үзэжэ айладхаhан баримтанууд дээрэ үндэһэлжэ, хоёр бүhэтэйшүүлые дээрмэ, хулгайда гэмнэhэн байна.
Энэ хэрэг гурбан жэлэй туршада үргэлжэлнэ. 2013 оной октябриин 25-да Маккавеево hууринай олзын хэрэг эрхилэгшэ эхэнэрэй гэртэ хулгайшад ороод, гэрэй эзэниие хүлижэ уяад, сэнтэй эд зѳѳрииень суглуулжа абаад, тэндэ зогсоhон авто-унаадань ашаад зугадаhан түүхэтэй. Энэ үедэ ажалдаа байhан эзэн эхэнэр үдэшэ гэртээ бусажа, хулгай тухай мэдэхэдээ, полициин таhаг руу бэшэ, харин тэндэхи мэдэлшэндэ хандаhан байгаа. Тиигээд үглѳѳ hүнинь хулгайшадай дүрсэтэй зүүдэ зүүдэлжэ, полициинхидта дуулгахадань, тэдэнь хэлэhэн зураглалаарнь Васильев ба Зубарев гэжэ хоёр хүнүүдые барижа абаhан ушартай. Тэдэнь хулгайда хабаатайгаа таhа арсана. Зүүдэнhээ бэшэ гэршэлгэнүүд үгы гэжэ тэмдэглэгдэнэ. Yбгэниинь нюуртаа баг зүүhэн дээрмэшэдые таниха аргагүй. Декабриин эсэстэ Васильев Зубарев хоёрой 1 сая тухай түхэригэй зѳѳри хулууhан тушаа гэмнэлгын хэрэгээр сүүд болоо.
Дэлгэрэнгыгээр 3-дахи дугаарта.
