Хэнтэйн аймагай Чингис хотын “Хан-Хэнтэй” дуу хатарай ансамбль һаяхан агынхидта аялга һайхан хүгжэм дуугаа, сог залитай хатар наадаяа бэлэглэбэ.
"Хан-Хэнтэйн" хатаршад.
Залуу дуушад - Ганзолбо, Сүхбат, Дабаадоржо, Сумья ба хатарай бүлэгэй бэлигтэн Зүүн Монголой үзэмчин, барга, буряад арадуудай дуунуудые ба хатарнуудые абьяастайгаар гүйсэдхөө. Морин хуур, эбэр бүреэ, хуушуур, чанза, иочин дээрэ арадай хүгжэм зэдэлээ. Тэдэнэй дунда хори буряад басаган, Батшэрээт һомоной Эрдэни Туяа “Аба эжын бууса” гэһэн арадай дуу хангюурдаа.
Ага нютагта мэдээжэ композитор, «Амар сайн» дуу хатарай театр байгуулагшадай нэгэн, Монгол ороной соёлой ажалай тэргүүтэн Абармид аха наһанай амаралтада гараһан байжа, тус ансамблиие залуу бэлигтэн хүтэлбэрилжэ ябаа. Эндэ «Амар сайн» дуу хатарай театрай уран һайханай хүтэлбэрилэгшөөр хүдэлһэн Энхэ багша дулааханаар дурсагдаа. Хүршэ ороной «Хан - Хэнтэй» ба «Амар сайн» театрайхид хани барисаагаа улам бэхижүүлээ, бэлэг сэлэгүүдээрээ андалдаа, засаг зургаануудай түлөөлэгшэнэр артистнарые хани халуунаар амаршалаа.
Дэлгэрэнгыгээр 5-дахи дугаарта.
