Агын дасанай Согшон дуган һэргээлгын ажал үргэлжэлһөөр. Мүнөө дуганай түрүүшын дабхарай танхим соо шэрдэлгын ба шэмэглэлэй ажалнууд эршэтэйгээр ябуулагдажа, түгэсхэлэйнгөө шатада хүрэнхэй юм.
Тиимэһээ Сагаан һарын уншалганууд эндэ үнгэргэгдэхөөр хараалагдана. Мүн дасанай дээрэхи ганжар, норбо, жалсангууд тодхоогдохоёо байна. Иигэжэ хүсэндөө орожо байһан дуган соо Агын дасанай лама санаартан Сагаан һарын уншалгануудые февралиин 23-һаа - Ганжуур хуралһаа эхилжэ, мартын 14 болотор бүтээхэеэ байна. Энэ дуганһаа февралиин 25-да дүгжүүбэ гаргагдаха. Эндэл Һама сахюусанаа угтахабди.
Дэлгэрэнгыгээр 5-дахи дугаарта.
