РФ-гэй пенсионно жасын хүтэлбэриин Агын таһагай байшан соо “Союз пенсионеров России” гэһэн ниитэ эмхиин Агын аймагай тэдхэмжэ абагшадай нэгэдэл байгуулха тухай эмхидхэлэй түрүүшын суглаан февралиин 3-да үнгэргэгдөө.
Суглаанай үедэ.
Эндэ Агын аймагай 30 гаран наһатайшуул, ажалай ветеранууд суглараа. РФ-гэй пенсионно жасын хүтэлбэриин Агын Буряадай тойрогоор дарга Валентина Балданова тус эмхиин дүримтэй (устав) сугларагшадые танилсуулаа, энэ эмхи юунэй түлөө байгуулагданаб, гэшүүдынь юу хэхэб гэхэ мэтэ наһатайшуулда хабаатай ниигэмэй ажаябуулга тухай тодорхой элидхэл хэһэн байна. Агын аймагай тэдхэмжэ абагшадай нэгэдэлэй түрүүлэгшээр ниитын эдэбхитэн, наһанай амаралтада гараһан Гончикбал Баиров һунгагдаа юм.
“РФ-гэй Правительствын түрүүлэгшэ Д.Медведев “Стратегия действий в интересах граждан старшего поколения в Российской Федерации до 2025 года» гэһэн хандалга 2016 оной февралиин 5-да баталһан байна. Энэ дансын үндэһөөр, наһатайшуулда туһаламжа, хайхарамжа үзүүлхэ, тэдэниие ниигэмэй хэрэгтэ эдэбхитэйгээр хабаадуулха гэхэ мэтэ зорилгонууд табигдаа,” - гэжэ Гончикбал Соктоевич тэмдэглээ һэн.
Дэлгэрэнгыгээр 6-дахи дугаарта.
