Һаяхан Москвада бизнес хүгжѳѳлгын ба олзын хэрэг эрхилэлгэ дэмжэлгын түрүү дүй дүршэл элирүүлхэ талаар уласай «Бизнес-амжалта» гэһэн конкурсын дүн гаргагдаба.

 

Буряад Уласай Сэлэнгын аймаг Россиин эрхим муниципальна байгуулалтануудай (ТОП-10) тоодо орожо, шагналда хүртѳѳ. Россиин 53 можодо үнгэргэгдэһэн тус харалгада дүн хамта 3,3 мянган муниципальна засагай түлѳѳлэгшэд хабаадаһан ба мянга гаран ажал дүршэлэй жэшээ болгон дурадхагдаһан байна. Сибириин федеральна тойрогто шэлэн абалгын шатада 4080 муниципальна байгуулалта хабаадаа. Можын шатануудай ба арадай һанал хуряалгын дүнгѳѳр 10 эрхимүүд федеральна шатада гараһан байна.

Конкурсын дүнгѳѳр Сэлэнгын аймагта «Олзын хэрэг эрхилэлгэ дэмжэлгын ба хүрэнгэ һомололгын оршон һайжаруулгын эрхим муниципальна дүршэл» гэһэн номинацида бүхэроссиин түгэсхэлэй шатада шалгарагшын диплом ба «РТС-тендер» Россиин сахим оньһото талмайн» сертификат барюулагдаба. Тэрээнһээ гадна Сэлэнгын аймаг «Муниципальна байгуулалтын эрхим үзэбэританилсуулгын түлѳѳ» тусхай дипломдо хүртэһэн байна.

 

Дэлгэрэнгыгээр 6-дахи дугаарта.

You have no rights to post comments