Буряадай суута шүлэгшэн Намжил Нимбуевай хоёр боти ном хэблэлһээ гаража, уншагшадта дурадхагдаба.

 

Нэгэдэхи ботидо «Шүдэрлэгдэһэн сахилгаан» гэжэ мэдээжэ номой шүлэгүүдһээ гадна урдань толилогдоогүй шүлэгүүд ороһон байна. Тэрэ тоодо буряадаар бэшэһэн шүлэгүүдынь, буряад болон монгол уран шүлэгэй дээжэһээ ород хэлэндэ оршуулганууд анха түрүүшынхеэ толилогдобо. Дондок Улзытуевай, мүн арба гаран монгол поэдүүдэй ялас гэмэ шүлэгүүд уншагшадай һонорто табигдаба. Мүн Н.Нимбуевай ородоор бэшэһэн шүлэгүүдые буряадшалһан ээлжээтэ туршалга хэгдээ. Багша, шүлэгшэн Цыренханда Дарибазарова Нимбуевай шүлэгүүдые оршуулха гэһэн бодол олон жэлдэ бѳѳмэйлһэн, тэрэнээ бэелүүлжэ толилбо.

Хоёрдохи номдо прозын болон драмын зохёолнууд оруулагдаа. Гурбан зүжэг, хоёр туужа, хэдэн үгүүлэл, уянгата найруулганууд, хошон зугаа дурадхагдана. Мүн тиихэдэ Д.Мункуевай, Ж.Балданжабоной, Ц.Хамаевай, монгол хэлэнһээ Д.Доржын, Г.Гармаагай үгүүлэлнүүдэй оршуулганууд үгтэнхэй. Намжил Нимбуев ородой сүлѳѳтэ шүлэг верлибрэй маягаар бэшэдэг байһан юм. «Отчего несвободен «свободный стих?» гэжэ ѳѳрынь бэшэһэн эссе ехэ һонирхолтой байна.

 

Дэлгэрэнгыгээр 6-дахи дугаарта.

You have no rights to post comments