Тус мүрысөөндэ Буряад Уласай, Саха республикын, Үбэр Байгалай хизаарай 22 можын 200 хабаадагшад ана-мана тэмсэбэ.
Илагшадай ендэр дээрэ. Агын тойрогой захиргаанай сайтын фото.
Шанга тулалдануудай эсэстэ хёрхо мэргэн һуршад элиржэ, сагаан-шулуутайнхид, догойнхид ба зүдхэлиинхид тус тустаа 1-дэхи, 2-дохи ба 3-дахи шангай һууринуудые эзэлээ. Эрэшүүл ба эхэнэрнүүдэй дунда Б.Базардашиев (Һүдэнтэ), Б.Батомункуев (Сагаан-Шулуутай), А.Цыдендоржиев (Зүдхэли), А.Молонова (Шулуутай), Б.Ринчинова (Ага-Хангил), Р.-Х. Батоева (Шулуутай) гэгшэд һайн дүн харуулжа шалгаран гараа. Балдан Болотов ба Сэсэг Доржиева (Буряад орон) хоёр абарга мэргэнэй солодо хүртөө. Наһатайшуулай дунда Д-Ц.Гармаев (Зүдхэли) тон һайнаар харбаа, Чимдык Норбоцыреновтэ Үбэр Байгалай хизаарай үндэһэн тамирай зүйлнүүдээр мастерай нэрэ зэргэ олгогдоо. Илагшадта үнэ сэнтэй бэлэгүүд, дипломууд барюулагдаһан байна.
Жалсан ЛУБСАНДАШИЕВ.
