Үнгэрэгшэ амаралтын үдэрнүүдтэ хүдөө ажахын эдеэ хоолой, огородой ургамалнуудай ба бусад эд хэрэгсэлнүүдэй заншалта яармаг эмхидхэгдээ.
Хамтын ажахынууд, фермернүүд, үмсын хамһабариин ажахытай зон мяха, хартаабха, зүгын бал наймаалаа. Удаань ипподром дээрэ мори урилдаанай 2017 оной хаһа нээлгын мүрысөөн эмхидхэгдээ. Агын тойрогой моридые hоридог хамтын ажахынууд, «Нэршүүгэй моридые үсхэбэрилдэг завод» гэһэн эмхи, Хосаен Хакимовай нэрэмжэтэ Шэтын гүрэнэй конюшни, үмсэдөө моридые үсхэбэрилдэг К.Ишенин (Ага тосхон), Т.Жамбалдоржиев (Шандали), Ц.Бадмаев (Гүнэй) гэгшэд гүйгөөшэ хүлэгүүдээ урилдаанда асарhан байна. Хамта дээрээ сэбэр, холимол, забайкалиин үүлтэрэй 98 морин 11 зайда урилдаа. Олон зайда айлшадай асарһан хурдан хүлэгүүд оройлоо. Жэшээлхэдэ, Нэршүүгэй, Шэтын А.Ванчуговой морид долоон зайда түрүүлһэн байна. «Мори урилдаанай 2017 оной нээлгэ» нааданай Ехэ шанда хүртэхын түлѳѳ сэбэр үүлтэрэй морид 2000 метртэ урилдаа.Эндэ Нэршүүгэй Вагрант хүлэг түрүүлжэ, Агын тойрогой Захиргаанай тогтооhон гол шан бэлэгтэ хүртөө һэн. Шодоогынь - Андрей Марков. Тэрэнэй удаа Гүнэйн Волга, «Аргал» ООО-гой Милорд гэгшэд фиништэ ерэhэн байна.
Дэлгэрэнгыгээр 21-дэхи дугаарта.
