«Национальный сувенир Аги» гэһэн мүрысөөн 2019 ондо түрүүшынхеэ үнгэргэгдэһэн байна. Жэл бүри үзэсхэлэндэ уран гартанай бүтээлнүүд олон болодог. 2023 оной мүрысөөндэ федеральна эксперт Ирина Хомутова хабаадаа һэн. 2024 ондо «Туристический сувенир» гэһэн бүхэроссиин мүрысөөнэй үндэһэ һуури табигша Геннадий Шаталовай оролдолгоор энэ мүрысөөн хизаарай хэмжээнэй болоһон байна.
   Ага тосхоной «Дангина» банкетнэ танхим соо модон, бүд, шабар гэхэ мэтэ зүйлнүүдээр хэһэн үзэмжэ һайхан 500-гаад бүтээл дэлгээгдээ. Энэ үзэсхэлэндэ хабаадагшад өөртөө сэгнэшэгүй ехэ һургуули гарана. Тэдэнэр бэе бэеынгээ ажалтай танилсана, дүй дүршэлөөрөө хубаалдана. Бүтээл бүхэн айхабтар наряар хээтэй. Эндэ оролдолго ба тэсэбэри хэрэгтэй гэжэ ажаглахаар.
   Энэ удаа мүрысөөнэй шүүгшэд бүтээлнүүдые 14 янзада сэгнэхэ байгаа. Мүн «Сувенир события» гэһэн шэнэ янза байгуулагдаа. Энэ янзада илагша мастер уран барималша Жигжит Баясхалановай бэлэгтэ хүртөө бшуу.

You have no rights to post comments