Майн 31-дэ Агын үндэhэтэнэй музей соо Табтаанайhаа гарбалтай РФ-гэй габьяата врач, Буряад Республикын арадай врач Дашидондок Батоевтой 80 жэлэйнь ойдо зорюулагдаhан уулзалга дулаахан оршондо үнгэрѳѳ.
Засаг зургаанай дарганар, гурбан аймагай больницын түлѳѳлэгшэд, нютагаархидынь, түрэл гаралынь, үүринэрынь Буряад орондо акушер-гинекологоор, нарайлалгын гэрэй ахамад врачаар хүдэлһэн Д.Батоевые амаршалаа, бэлэгүүдые баряа. Тэрэ - түүхын эрдэмүүдэй кандидат, элүүрые хамгаалгын түүхээр хорёод номой автор. Д.Батоев ганса элүүрые хамгаалгада бэеэ зорюулаа бэшэ, Агын, Буряад Республикын эмнэлгын түүхэ шэнжэлжэ, олиггүй ехэ ажал хэһэн. Жэшээнь, 2001 ондо «Очерки о медиках Аги» бэшэhэн, Лыксок Жабэ тухай «Первый врач Аги» номоо хүндэтэ айлшадта бэлэглээ.
Дэлгэрэнгыгээр 23-дахи дугаарта.
